بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ءوزىنىڭ Telegram-ارناسىندا جازدى
"ءتىل-قازىنا" ورتالىعى قازاقشا ءماتىندى دىبىسقا اينالدىراتىن Telegram-بوت ازىرلەدى، دەپ جازادى Almaty-akshamy.kz.
ۆەدومستۆو باسشىسىنىڭ ايتۋىنشا، بۇل يننوۆاسيالىق بوت - كوممۋنيكاسيا سالاسىنداعى ۇلكەن جاڭالىق. سونداي-اق ەرەكشە قاجەتتىلىگى بار ادامدارعا، قازاق تىلىندەگى اقپاراتقا تەز قول جەتكىزگىسى كەلەتىندەرگە جاڭا مۇمكىندىكتەر بەرەدى.
"Microsoft Azure ينتەگراسياسى ارقىلى Telegram-بوت قازاق تىلىندە جازىلعان ءماتىندى جوعارى دەڭگەيدە دىبىسقا اينالدىرىپ، تۇرلەندىرە الادى. بۇل قازاق تىلىندەگى كىتاپتاردى، جاڭالىقتار مەن ماقالالاردى، وقۋ ماتەريالدارىن جانە باسقا دا ماتىندەردى ءارتۇرلى جاعدايدا پايدالانۋعا مۇمكىندىك تۋعىزادى. وسىعان وراي پايدالانۋشىلار اتالعان بوتتى ءوز كونتاكتىلەرىنە قوسىپ، وعان بىردەن قازاق تىلىندەگى ءماتىندى جىبەرۋ ارقىلى جاڭا فۋنكسيونالدى قولدانا الادى"، - دەپ جازدى مينيستر.
ساياسات نۇربەك بوتتى تەلەگرامم كانالىندا @kztts_bot اتاۋى ارقىلى تابۋعا بولاتىنىن جەتكىزدى.
"بوت ءماتىندى جىلدام ءارى ساپالى دىبىستاپ، پايدالانۋشىعا اۋديوفايلدى كەز كەلگەن ۋاقىتتا تىڭداي الاتىنداي ەتىپ قايتا جولدايدى. قازىرگى تاڭدا بوت ايگۇل مەن داۋلەتتىڭ داۋىسى ارقىلى دىبىستالادى"، - دەدى ول.
ءمينيستردىڭ سوزىنشە، بۇل Telegram-بوت قازاق تىلىندەگى اقپاراتقا قولجەتىمدىلىكتى ارتتىرۋ ءۇشىن جاڭا مۇمكىندىكتەر اشادى.