ۇلتتىق وليمپيادا كوميتەتىنىڭ پرەزيدەنتتىگىنە سايلاۋ 26 اقپاندا وتەدى
ەلىمىزدىڭ ۇلتتىق وليمپيادا كوميتەتىنىڭ پرەزيدەنتتىگىنە كانديدات رەتىندە تيمۋر قۇلىبايەۆتىڭ ورنىنا گەنناديي گولوۆكين ۇسىنىلعانى رەسمي ايتىلدى، دەپ حابارلايدى اlmaty-akshamy.kz.
داڭقتى بوكسشىنى سايلاۋ ۇيىمنىڭ 26 اقپاندا وتەتىن باس اسسامبلەياسىنىڭ وتىرىسىندا داۋىس بەرۋ ارقىلى شەشىلەدى.
بۇعان دەيىن گەنناديي گولوۆكيننىڭ ۇوك-نە پرەزيدەنت بولىپ سايلاناتىنى تۋرالى قاۋەسەت تاراعان بولاتىن. كەيىن ۇوك اقپان ايىنىڭ سوڭىندا جيىن وتەتىنىن مالىمدەدى.
بۇعان دەيىن ءماجىلىس دەپۋتاتى ەرمۇرات ءباپي تيمۋر قۇلىبايەۆ سپورت سالاسىنا ارالاسقالى بەرى ناتيجەلەر تومەندەپ كەتكەنىن ايتىپ، دابىل قاققان بولاتىن. اراعا ايدان استام ۋاقىت سالىپ، بەلگىلى وليگارحتىڭ ۇوك باسشىلىعىنان كەتەتىنى ءمالىم بولىپ وتىر.