بايلانىس ساپاسىن ارتتىرۋ ءۇشىن ەلىمىزدە جىل سايىن «بازالىق ستانسالار» سانى كوبەيىپ كەلەدى

بۇگىندە ەلىمىزدە وسىنداي 41 مىڭنان استام ستانسيا بار. 

حالقى 200 مىڭنان اساتىن 1432 اۋىل ءالى كەڭجولاقتى ءموبيلدى ينتەرنەتكە قوسىلماعان. بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ەلىمىزدە 6 406 ەلدى مەكەن بار، ونىڭ 4 974ء-ى، ياعني 77 پايىزى ءموبيلدى ينتەرنەتكە قوسىلعان. ونىڭ ىشىندە 2 928 ەلدى مەكەن 4G-گە قوسىلعان، قالعانى 2 046 3G تەحنولوگياسىمەن قامتاماسىز ەتىلگەن. وتكەن جىلدىڭ قورىتىندىسى بويىنشا قوسىمشا 241 اەم ينتەرنەتكە قوسىلدى جانە 1 059 اەم-دە ساپا جاقسارتىلدى»، - دەدى باعدات مۋسين ۇكىمەت وتىرىسىندا.

ۆەدومستۆو باسشىسىنىڭ ايتۋىنشا، بايلانىس ساپاسىن ارتتىرۋ ماقساتىندا جىل سايىن «بازالىق ستانسالار» سانى كوبەيىپ جاتىر.

«بۇگىندە ەلىمىزدە 41 مىڭنان استام «بازالىق ستانسيا» ورناتتىق. بۇل جىل سايىن جاڭا ستانسيالاردىڭ 3 مىڭعا وسەتىنىن بىلدىرەدى. بارلىق ەلدى مەكەندەردىڭ 25 پايىزى ADSL تەحنولوگياسىمەن، ياعني مىس سىممەن جانە 33 پايىزى عانا وپتيكامەن قوسىلعان. سونىمەن قاتار، حالىق سانى 200 مىڭنان اساتىن 1432 اۋىل كەڭ جولاقتى ءموبيلدى ينتەرنەتپەن قامتىلماعان»، - دەيدى ول.