كوكشەتاۋ تۇرعىنى ءوز كولىگىن زاڭداستىرعان ون مىڭىنشى ادام بولدى.
31 جاستاعى ازامات ەسليامبەكوۆ Honda Odyssey ماركالى اۆتوكولىكتى ارمەنيادان الىپ كەلگەن. بۇگىن ەر ادام ءوزىنىڭ كولىك قۇرالىن زاڭداستىرىپ، قازاقستاندىق تەحپاسپورتتى، سونداي-اق مەملەكەتتىك نومىرلىك بەلگىنى الدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ايتا كەتۋ كەرەك، زاڭداستىرۋ 2023 جىلدىڭ 1 شىلدەسىنە دەيىن جالعاسادى.
ءوتىنىم بەرۋ تاسىلدەرى: eGov.kz ۇكىمەت پورتالى ارقىلى؛ ەكىنشى دەڭگەيلى بانكتەردىڭ قوسىمشالارى ارقىلى؛ حقكو ارقىلى. ەرەجە بويىنشا اۆتوكولىك قازاقستانعا 2022 جىلعى 1 قىركۇيەككە دەيىن اكەلىنۋى ءتيىس، قىلمىستىق ەسەپتە بولماۋى كەرەك، باسقا مەملەكەتتە بۇرىنعى تىركەلگەن جەرى بويىنشا ەسەپتەن شىعارىلۋى قاجەت. سونداي-اق ەۋرازيالىق ەكونوميكالىق وداققا كىرمەيتىن ەلدەردەن اكەلىنگەن اۆتوكولىك كەدەندىك تازارتۋدان ءوتۋى ءتيىس.