بيىل وڭىرگە قار قالىڭ ءتۇستى. وبلىستىڭ سولتۇستىك بولىگىندە قاتقان جەر توڭىنىڭ قالىڭدىعى 1 مەترگە دەيىن جەتەدى. ءقازىر وڭىردە كوكتەمگى سۋ تاسقىنىنىڭ الدىن الۋ جۇمىستارى جۇرگىزىلىپ جاتىر. توتەنشە جاعداي قىزمەتى كۇشەيتىلگەن جۇمىس رەجيمىنە كوشىپ، ارىق-اتىزداردى تازالاپ، قاجەتتى ينەرتتى ماتەريالدار مەن تەحنيكالىق قۇرالداردىڭ قورىن جاساقتاپ جاتىر، دەپ حابارلايدى 24kz.
"بۇگىنگى تاڭدا 270 مىڭ تەكشە مەتر قار شىعارىلدى. بۇل جۇمىستار ءالى جالعاسۋدا. سونىمەن قاتار جول ۇيىمدارىنىڭ قىزمەتكەرلەرىمەن 600-گە جۋىق سۋ وتكىزۋ قۇبىرلارى جانە كوپىرلەر تازالاندى. نەگىزگى ءقاۋىپ 15-ناۋرىزدان باستاپ كۇندىز دە، تۇندە دە اۋا تەمپەراتۋراسىنىڭ جىلىنۋى كۇتىلۋدە. بىزدە ءقازىر دايىن شتاب قۇرامى بار. قاجەت بولعان جاعدايدا، ءقاۋىپ تونگەن جاعدايدا سول شتاب قۇرىلىپ، دەرەۋ ءىس-شارالار قابىلدانادى".توتەنشە جاعدايلار باسقارماسىنىڭ ءبولىم باستىعى الىبەك ءابىلوۆ