26 جاستاعى جىگىت الماتىلىقتارعا ارزان باعادا ۇن الىپ بەرۋگە ۋادە ەتكەن.
بولجام بويىنشا ينتەرنەت ارقىلى ارەكەت ەتكەن 26 جاستاعى ب.ەسىمدى ازاماتتىڭ ينتەرنەت-الاياقتىقتىڭ ەكى دەرەگىنە قاتىسى بارى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ
«ناقتىراق ايتساق، ول الدىن الا تولەم تالاپ ەتە وتىرىپ، ارزان ۇن ساتۋ تۋرالى جالعان حابارلاندىرۋلار جاريالاعان. اقشانى العاننان كەيىن قاسكوي بايلانىسقا شىعۋىن توقتاتتى. ق ر قك-نىڭ 190-بابى 2-بولىگى بويىنشا قىلمىستىق ءىس تىركەلدى. كۇدىكتىنى ۇستاۋ كەزىندە ودان ەكى تەلەفون تاركىلەنىپ، ولار ايعاقتى زات رەتىندە قىلمىستىق ىسكە تىركەلدى. قازىرگى ۋاقىتتا ءىس بويىنشا باسقا دا ءمان-جايلاردى انىقتاۋ ءۇشىن تەرگەۋ امالدارى جۇرگىزىلىپ جاتىر. سونداي-اق باسقا دا ىقتيمال قىلمىستىق ەپيزودتاردى انىقتاۋ جۇمىستارى جالعاسۋدا»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
ال ءتارتىپ ساقشىلارى ۇستالعان ازاماتتىڭ ارەكەتىنەن زارداپ شەككەن ادامداردى مىنا تەلەفون نومىرلەرى ارقىلى حابارلاسۋعا شاقىرادى: 8-775-747-77-78؛ 8-705-555-77-63؛ 8-778-481-19-00؛ 8-708-707-92-02. پوليسەيلەردىڭ مالىمەتىنشە، قىلمىستىق ءىستىڭ باسقا دا ءمان-جايلارى ق ر قپك-نىڭ 201-بابى مەن ق ر كونستيتۋسياسىنىڭ نورمالارىنا سايكەس جاريا ەتۋگە جاتپايدى.