سينوپتيكتەر قازاقستانداعى 24 تامىزعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
«قازگيدرومەت» رمك حابارلاۋىنشا، ەلىمىزدىڭ باسىم بولىگىندە نايزاعاي ويناپ، جاڭبىر جاۋادى. جەل كۇشەيەدى. بۇرشاق جاۋۋى مۇمكىن.
«قازاقستاننىڭ سولتۇستىگىندە، سولتۇستىك-باتىسىندا قاتتى جاڭبىر جاۋادى. تۇندە جانە تاڭەرتەڭ تۇمان بولادى. رەسپۋبليكانىڭ وڭتۇستىگىندە، وڭتۇستىك-باتىسىندا شاڭدى داۋىل بولۋى مۇمكىن»، - دەپ حابارلادى سينوپتيكتەر.
استانادا كوشپەلى بۇلت شىعادى، جاڭبىر جاۋادى، كۇن كۇركىرەيدى. كۇندىز بۇرشاق جاۋادى دەپ بولجاندى. وڭتۇستىك-باتىستان سوعاتىن جەل سولتۇستىككە اۋىسادى. ونىڭ ەكپىنى سەكۋندىنا 9-14 مەتر، كۇندىز 15-20 م/س. اۋا تەمپەراتۋراسى تۇندە +17+19°س، كۇندىز +22+24°س.
الماتىدا كوشپەلى بۇلت شىعادى، جاۋىن-شاشىنسىز. وڭتۇستىك-باتىستان ەكپىنى 2-7 مەتر بولاتىن جەل سوعادى. كۇندىز ەكپىنى - 12 م/س. اۋا تەمپەراتۋراسى تۇندە +19+21°س، كۇندىز +32+34°س.
شىمكەنتتە كوشپەلى بۇلت شىعادى، جاۋىن-شاشىنسىز. باتىستان سوعاتىن جەل ەكپىنى - 8-13 م/س. اۋا تەمپەراتۋراسى تۇندە +20+22°س، كۇندىز +35+37°س.