تۇركيانىڭ سولتۇستىك-باتىسىندا چاناككالە پروۆينسياسىندا 11 ساعاتتان بەرى ورمان ورتەنىپ جاتىر. 1 104 ادام ەۆاكۋاسيالاندى، دەپ حابارلايدى Almaty-akshamy.kz Anadolu اگەنتتىگىنە سىلتەمە جاساپ.
تۇركيانىڭ اۋىل جانە ورمان شارۋاشىلىعى ءمينيسترى يبراگيم يۋماكلى ءورتتى ازىرگە باقىلاۋعا الۋ مۇمكىن بولماي وتىرعانىن حابارلادى جانە بيلىك بارلىق جاعدايعا دايىندالىپ جاتىر. ءقازىر التى اۋىل ەۆاكۋاسيالاندى، تاعى ءۇش اۋىل ەۆاكۋاسياعا دايىن. ءورت 1500 گەكتاردى شارپىعان. 7 ءۇي تولىق ورتەنىپ، 48 ادام اۋرۋحاناعا جاتقىزىلدى.
تۇركيا كولىك جانە ينفراقۇرىلىم مينيسترلىگى ورمان ورتىنە بايلانىستى چاناككالە-كەپەز اۋدانىندا وڭتۇستىك-سولتۇستىك باعىتقا جۇزەتىن كەمەلەر قوزعالىسى ۋاقىتشا توقتاتىلعانىن حابارلادى. قوزعالىس ەكى باعىتتان ءبىر باعىتقا اينالدى.
«ءورت تەڭىز جاعالاۋىن شارپىعان جاعدايدا جاعالاۋ قاۋىپسىزدىگى باس باسقارماسىنىڭ سۇيرەتكىشتەرى كومەك كورسەتۋگە دايىن تۇر»، - دەلىنگەن مينيسترلىكتىڭ مالىمدەمەسىندە.
ەسكە سالايىق، تاياۋدا تۇركيا ورتالىعىندا ەسكيشەحير پروۆينسياسىندا تەمپەراتۋرادان جاڭا رەكورد ورنادى: 49،5 گرادۋس. بۇعان دەيىنگى رەكورد 2021 جىلدىڭ 20 شىلدەسىندە شيرناك پروۆينسياسىندا (49،1 گرادۋس) بولعان ەدى.