Sim-box جابدىقتارىنىڭ ورنالاسۋ گەوگرافياسى كەڭەيىپ جاتىر.
ەگەر بۇرىن مۇنداي قۇرىلعىلار نەگىزىنەن ءىرى قالالاردا تاركىلەنسە، ءقازىر قاسكويلەر ولاردى تۇرعىندارى از ايماقتاردا دا ورنالاستىرا باستادى، دەپ حابارلايدى aqshamnews.kz ىىم-گە سىلتەمە جاساپ.
تەك ءبىر كۇندە بالقاش، تاراز، ەكىباستۇز جانە پەتروپاۆل قالالارىندا كيبەرپوليسيا بولىنىستەرى پروكۋراتۋرامەن جانە ۇيالى بايلانىس وپەراتورلارىمەن بىرلەسىپ، sim-box جابدىقتارىنىڭ زاڭسىز جۇمىسىن اشكەرەلەۋ بويىنشا ءىس-شارالار جۇرگىزدى.
وپەراسيا بارىسىندا ءتورت ادام ۇستالدى، ولاردىڭ ەكەۋى كورشى مەملەكەتتىڭ ازاماتتارى. ءتىنتۋ كەزىندە التى sim-box قۇرىلعىسى، 24،5 مىڭنان استام sim-كارتا جانە پەريفەريالىق جابدىق تاركىلەندى.
ۇستالعاندارعا ينتەرنەت-الاياقتارعا كومەكتەسكەنى ءۇشىن 10 جىلعا دەيىن باس بوستاندىعىنان ايىرۋ جازاسى كوزدەلەدى.
Sءىm-box قىلمىسكەرلەرگە الەمنىڭ كەز كەلگەن جەرىندە بولا وتىرىپ، الاياقتىق قوڭىراۋلار جاساۋعا مۇمكىندىك بەرەدى. تەك جابدىقتىڭ ءوزى سول مەملەكەتتە ورنالاسۋى جانە جەرگىلىكتى بايلانىس وپەراتورلارىنىڭ ترافيگىن پايدالانۋى جەتكىلىكتى.