ال بيىل دۇنيە ەسىگىن اشاتىن 10 قۇنانبايعا جۋرناليست نۇرسەيىت جىلقىشىباي 300 مىڭ تەڭگەدەن بەرەم دەپ وتىر.
بۇدان بۇرىن كاسىپكەر دۋلات تاستەكەي ابايدىڭ 180 جىلدىعىنا كەرەمەت ءبىر باستاما كوتەرىپ، 2025 جىلدىڭ 10 تامىز كۇنى دۇنيە ەسىگىن اشقان بارلىق ابايلارعا 180 مىڭ تەڭگەدەن بەرەتىنىن ايتقان، دەپ حابارلايدى aqshamnews.kz
نۇرسەيىت جىلقىشىباي بالاسىنىڭ اتىن قۇنانباي دەپ قويعان ون ادامعا «الامان» كومپانياسىنىڭ اتىنان 3 ملن تەڭگە، ياعني ءار ادامعا 300 مىڭ تەڭگەدەن بەرەدى. جۋرناليست بۇل يدەيانى كاسىپكەر دۋلات تاستەكەيدەن العان ەكەن.
"كاسىپكەر دۋلات تاستەكەي اعامىز ۇلى ابايدىڭ 180 جىلدىعىنا كەرەمەت ءبىر باستاما كوتەرىپ جاتىر ەكەن. 2025 جىلدىڭ 10 تامىز كۇنى دۇنيە ەسىگىن اشقان بارلىق ابايلارعا 180 مىڭ تەڭگەدەن بەرمەك ەكەن. «اسىلتاس» قورىنىڭ بۇل باستاماسىن مەن دە ءوز شاما-شارقىمشا قولدايمىن. ءبىراق... "، -دەي كەلە ءوز شارتىن فەيسبۋك ارقىلى جاريالادى.
"قازاقتا اباي دەگەن ات از ەمەس. ال قۇنانباي شە؟ الدا ءبىر جازعانىمداي قۇنانباي، دونەنتاي، تۇرسىن سىندى ءقازىر قازاقى اتتار قويىلماي كەتتى. ەسەسىنە ارابشا اتتار قاپتادى. بۇل ءبىر. ەكىنشىدەن ابايدىڭ اباي بولۋىنا ىقپال ەتكەن اكەسى. ەمەندەي بەرىك، بايتەرەكتەي زور قۇنانباي! قارادان شىعىپ حان بولعان. ادىلدىكتى قاق جارعان شەشەن ءارى بالۋان بولعان تۇلعا!" -دەپ جازدى ن. جىلقىشىباي.
بالاسىنىڭ اتىن قۇنانباي دەپ قويعان اتا-انا 300 مىڭ تەڭگەنى الۋ ءۇشىن قۇنانباي دەپ قويعانىن دالەلدەيتىن تۋۋ تۋرالى كۋالىكتى ن. جىلقىشىباي كورسەتكەن WhatsApp نومەرىنە جىبەرۋ كەرەك. بۇل شارا 1 ناۋرىزدان باستالادى.
ۇلتتىق ستاتيستيكا بيۋروسىنداعى اقپارات بويىنشا، ەلىمىزدە 1-18 جاس اراسىندا قۇنانباي ەسىمدى 135 بالا بار. قۇنانباي ەسىمدى 22 بالانىڭ جاسى – 3-تە، ءبىر قۇنانباي 12-دە بولسا، بىرەۋى – 13-تە ەكەن.