2025 جىلدىڭ باسىنان بەرى 22،5 مىڭ ازامات، ونىڭ ىشىندە شامامەن 17،6 مىڭ جۇمىسسىز Skills Enbek كاسىپتىك وقىتۋ پلاتفورماسىندا ونلاين-كۋرستاردان وتكەنى تۋرالى سەرتيفيكاتتار الدى.
پلاتفورمادا بارلىعى 527،5 مىڭ قازاقستاندىق تىركەلگەن، ونىڭ 28،8 مىڭى – 2025 جىلى تىركەلدى، دەپ حابارلايدى aqshamnews.kz.
بۇل رەتتە پلاتفورما جۇمىسىنىڭ بارلىق كەزەڭىندە 433،4 مىڭ ادام وقۋدان ءوتتى.
وقۋدان وتكەن 17،6 مىڭ جۇمىسسىز ازاماتتىڭ 4،4 مىڭعا جۋىعى نەگىزىنەن اقتوبە، تۇركىستان، قوستاناي وبلىستارىنىڭ جانە شىمكەنت قالاسىنىڭ جاستارى.
پلاتفورما ىسكە قوسىلعاننان باستاپ اۆتورلار ءارتۇرلى باعىتتار بويىنشا 859 كۋرس جاريالادى، ونىڭ 313ء-ى تەگىن. سونداي-اق، ودان ءارى وقۋ ءۇشىن ءبىلىم بەرۋ الاڭدارىنا اۋىسۋ مۇمكىندىگىمەن Courstore، Fluent Education جانە ياندەكس قازاقستان سەرىكتەستەرىنىڭ كۋرستارى بار.
كۋرستاردىڭ ۇزاقتىعى 1-دەن 72 ساعاتقا دەيىن.
اقپان ايىنداعى ەڭ كوپ سۇرانىسقا يە كۋرستار – «ستراحوۆوي اگەنت»، «كاسسير»، «پوستروەنيە وتدەلا پروداج ۆ وتەلە»، «وسنوۆى كوممۋنيكاسيي ي پراۆيلا وبششەنيا س ليسامي س ينۆاليدنوستيۋ ي وسوبىمي پوترەبنوستيامي» جانە «پروداۆەس».
پلاتفورمادا الەۋمەتتىك قىزمەت كورسەتۋ، تۋريزم، مۇناي، گاز، رەسۋرستاردى ءوندىرۋ، قۇقىقتانۋ جانە ت.ب. سالالارداعى ءتۇرلى ماماندىقتار بويىنشا تەگىن كۋرستار سانى ۇنەمى ارتىپ كەلەدى.
بۇدان بۇرىن حابارلاعانداي، پلاتفورما حالىقتىڭ ءبىلىم دەڭگەيى مەن كاسىبيلىگىن ارتتىرۋعا، مانساپتىق دامۋدى ىنتالاندىرۋعا جانە «ءومىر بويى وقىتۋ» تۇجىرىمداماسىن ىلگەرىلەتۋگە باعىتتالعان. ول ماركەتپلەيس – قىزمەتتەر نارىعى قاعيداتى بويىنشا ونلاين كۋرستارعا قول جەتكىزۋدى ۇسىناتىن حالىقارالىق وقىتۋ الاڭدارىنا ۇقساس قۇرىلعان.