الماتىدا – كوشپەلى بۇلت شىعادى، كەي جەرلەردە قار جاۋادى
سينوپتيكتەر قازاقستاندا 2022 جىلدىڭ 22 جەلتوقسانىنا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
«قازگيدرومەت» رمك مالىمەتىنشە، رەسپۋبليكانىڭ باسىم بولىگىندە بۇرقاسىنمەن بىرگە قار ساقتالادى، تۇندە شىعىستىڭ تاۋلى ايماقتارىندا قالىڭ قار جاۋۋى مۇمكىن.
رەسپۋبليكانىڭ باتىسىندا، وڭتۇستىك-باتىسىندا سولتۇستىك-باتىس انتيسيكلونىنىڭ اسەرىنەن جاۋىن-شاشىنسىز اۋا رايى ساقتالادى.
رەسپۋبليكانىڭ بارلىق اۋماعىندا تۇمان كۇتىلەدى، وڭتۇستىكتە، وڭتۇستىك-شىعىستا كوكتايعاق، شىعىس جارتىسىندا جەل كۇشەيەدى.
استانادا – كوشپەلى بۇلت شىعادى، كەيدە ازداپ قار جاۋادى. باتىستان، وڭتۇستىك-باتىستان 7-12 م/س جەل سوعادى. اۋا تەمپەراتۋراسى تۇندە -19-21°س، كۇندىز -17-19°س.
الماتىدا – كوشپەلى بۇلت شىعادى، كەي جەرلەردە قار جاۋادى، تۇمان تۇسەدى، كوكتايعاق بولادى. سولتۇستىك-باتىستان 2-7 م/س جەل سوعادى. اۋا تەمپەراتۋراسى تۇندە -6-8°س، كۇندىز -2-4°س.
شىمكەنتتە – كوشپەلى بۇلتتى، ءتۇننىڭ ءبىرىنشى جارتىسىندا قار جاۋادى. باتىستان سوعاتىن جەل 8-13 م/س. اۋا تەمپەراتۋراسى تۇندە -7-9°س، كۇندىز -1+1°س.