بيىل 22 جەلتوقساندا ەلىمىزدىڭ ارحيۆشىلەرى العاش رەت كاسىبي مەرەكەسىن اتاپ وتەدى. بۇل تۋرالى مادەنيەت جانە سپورت ءمينيسترى اقتوتى رايىمقۇلوۆا مالىمدەدى، دەپ حابارلايدى almaty-akshamy.kz
ونىڭ ايتۋىنشا، كاسىبي مەرەكە اياسىندا ارحيۆشىلەرگە العاش رەت «ارحيۆ سالاسىنىڭ ۇزدىگى» ۆەدومستۆولىق ناگراداسى تابىستالادى.
بيىل مەملەكەت باسشىسى قاسىم-جومارت كەمەل ۇلى توقايەۆتىڭ تاپسىرماسىمەن مادەنيەت جانە سپورت مينيسترلىگىنىڭ جانىنان ارحيۆ ىستەرى جانە قۇجاتتامانى باسقارۋ كوميتەتى قۇرىلدى. 22 جەلتوقسان رەسمي تۇردە ارحيۆشىلەر كۇنى بولىپ بەكىتىلىپ، «ارحيۆ سالاسىنىڭ ۇزدىگى» اتتى توسبەلگىسى تاعايىندالدى. بيىل 22 جەلتوقساندا العاش رەت ارحيۆشىلەر كۇنى كاسىبي مەرەكەسىن اتاپ ءوتۋ بارىسىندا ۇزاق جىلدار ەڭبەك ەتكەن سالا ارداگەرلەرى مەن بىلىكتى ارحيۆيست ماماندارعا 140-تان استام «ارحيۆ سالاسىنىڭ ۇزدىگى» ۆەدومستۆولىق ناگراداسى بەرىلىپ، العىس بىلدىرىلەدى. ارحيۆ سالاسىنىڭ ماتەريالدىق-تەحنيكالىق بازاسىن كەڭەيتۋ ماقساتىندا كەڭ فورماتتى سكانەرلەر، ارحيۆتىك قۇجاتتاردى رەستاۆراسيالاۋ جانە ميكروفيلمدەۋ ءۇشىن زاماناۋي زەرتحانالار ساتىپ الىندى، - دەدى مينيستر.