بوستاندىق اۋدانىنىڭ مەردىگەرلىك ۇيىمى 2017 جىلى «ەرمەنساي» جانە «باعاناشىل» ش/ا شەكاراسىندا بۇرىنعى جىرانىڭ ورنىنا كارىز-سورعى ستانسياسىن (بۇدان ارى-كسس) ورناتۋ جۇمىستارىن جۇرگىزگەن ەدى.
ايتا كەتەرلىگى، اۋماقتار 2014 جىلى الماتىعا قوسىلدى، ودان كەيىن قولدانىستاعى جىرا بەكىتىلدى جانە جاڭگىر حان كوشەسىنىڭ بويىندا ورنالاسقان كوپپاتەرلى تۇرعىن ءۇي كەشەندەرى («Sun Town» تك، Mountain Drive/ەۆەرەست تك، «Regent» تك، «مامىر» ست، 138/3 ءۇي) جاپپاي سالىنا باستادى. قازىرگى ۋاقىتتا ارىق جۇيەسىنىڭ وتكىزۋ قابىلەتتىلىگىنە، سونداي-اق كسس پايدالانۋدا جۇكتەمە بايقالادى، بۇل ءوز كەزەگىندە قاتتى جاۋىن-شاشىن (جاڭبىر) كەزىندە جاڭگىر حان كوشەسىنىڭ تابيعي ەڭىسى جانە جاڭبىر سۋىن جيناۋدىڭ ەڭ تومەنگى نۇكتەسى بولاتىن جول بولىگىندە جاڭبىر مەن ەرىگەن سۋدىڭ جينالۋىنا اكەلۋدە.
سۋ تاسقىنىن جويۋعا اپاتتى قىزمەتتەردىڭ، تجد، جوندەۋ جۇمىستارىمەن اينالىساتىن مەردىگەرلىك ۇيىمداردىڭ كۇشتەرىن تارتا وتىرىپ، كوممۋنالدىق قىزمەتكەرلەر جۇمىلدىرىلدى.
قازىرگى ۋاقىتتا ورناتىلعان كسس-دا ەرمەنساي وزەنىندە سۋ ايداۋدىڭ جوعارى قىسىمىمەن 3 تەرەڭدىك سورعى، ديامەترى د-200 مم. قۇبىر شتاتتىق رەجيمدە جۇمىس ىستەۋدە.
بوستاندىق اۋدانى اكىمىنىڭ اپپاراتى جاڭبىر سۋىنىڭ كەدەرگىسىز ءوتۋىن قامتاماسىز ەتۋ ءۇشىن 2 قوسىمشا سورعى ستانسياسىن ورناتۋ، سونداي-اق سىرعابەكوۆ كوشەسىنىڭ ارىق جۇيەسىنە د-250-300 مم قوسىمشا بۇرۋ قۇبىرىن سالۋ كوزدەلگەن. جانە باسقا دا جۇمىستار جۇرگىزۋ جوسپارلانۋدا.
اعىمداعى جوندەۋگە قاراجات بيۋدجەتتە قاراستىرىلعان. مەردىگەر ۇيىم انىقتاعاننان كەيىن بارلىق جۇمىستار جۇرگىزىلەدى.