جەلىدە كلاۋس شۆابتىڭ سوزدەرى تالقىلانۋدا.
دۇنيەجۇزىلىك ەكونوميكالىق فورۋمنىڭ نەگىزىن قالاۋشى كلاۋس شۆابتىڭ ايتۋىنشا، اۆتوكولىكتەرگە يەلىك ەتۋ ءداۋىرى اياقتالىپ كەلەدى، دەپ حابارلايدى Almaty-akshamy.kz
شۆاب 2030 جىلعا قاراي جەكە كولىكتىڭ بولۋى زاڭسىز دەپ تانىلادى دەپ وتىر. بۇل قانشالىقتى راس؟
Stopfake.kzء-تىڭ جازۋىنشا، 2030 جىلعا قاراي اۆتوكولىك يەلەرى زاڭنان تىس دەپ تانىلادى دەپ مالىمدەگەنى تۋرالى اقپارات – وتىرىك.
بۇل جاڭالىقتىڭ باستاپقى دەرەككوزى – The People’s voice جاڭالىقتار پورتالى. بۇل پورتال ۇنەمى جالعان حابارلامالار، ۇگىت-ناسيحات جانە قاستاندىق تەوريالارىن جاريالايدى.
2014 جىلى دۇنيەجۇزىلىك ۇكىمەتتىك سامميتتە، كلاۋس شۆاب بولاشاقتا ادامدار جەكە كولىككە يەلىك ەتۋدىڭ ورنىنا اۆتوپيلوتتىق ەلەكتروموبيلدەردى شاقىرۋ ءۇشىن قوسىمشالاردى قولدانادى دەگەن يدەيانى العا تارتتى. ءتۇپنۇسقا ۆيدەو ون جىل بۇرىن جازىلسا دا، ونىڭ ءسوزىنىڭ ناق وسى بولىگى بۇگىندە جەلىدە تاراپ جاتىر.
سونىمەن قاتار دەف سايتىندا 2016 جىلى جەكە اۆتوموبيلدەر ءداۋىرىنىڭ اياقتالعانى تۋرالى ماقالا بار، ءبىراق وندا ولار زاڭسىز بولادى دەپ ايتىلماعان. ماتەريال بولاشاقتا ءىرى قالالاردا اۆتوپيلوتپەن جابدىقتالعان ەلەكتروموبيلدەرى بار اۆتوپاركتەر پايدا بولعان كەزدەگى مۇمكىندىكتەر تۋرالى ويلار جازىلعان. مۇنداي كولىكتى جالعا الۋ سۇرانىس جوعارى بولعاندىقتان ارزان، ال تۇجىرىمداما تۇتىنۋشى ءۇشىن ءتيىمدى بولادى، ول ماشينانى كۇتىپ ۇستاۋعا، وعان سالىق تولەۋگە اقشا جۇمسامايدى.
دەمەك، كلاۋس شۆاب تا، ونىڭ ارىپتەستەرى دە كولىككە يەلىك ەتۋ 2030 جىلعا قاراي قىلمىسقا اينالادى دەپ مالىمدەگەن جوق. ول بولاشاقتا اۆتوپيلوتى بار كولىكتى جالعا الۋ جەكە كولىكتى ساتىپ العاننان گورى تيىمدىرەك جانە اقىلعا قونىمدى بولادى دەگەن ويىن ايتقان.