«يانگي Ўزبەكيستون» باسىلىمىنىڭ مالىمەتىنە سۇيەنە وتىرىپ، جۇرەگى 3 رەت اۋىرعان قارت ازامات كەلەس كەسىرتكەسىنىڭ (كەلەس كەسىرتكەسى نەمەسە ۆاراندار قىزىل كىتاپقا ەنگەن) ەتى مەن تەرىسى دەرتكە ەم ەكەنىن ەستىپ، ولاردى اۋلاۋعا كىرىسكەن، دەپ حابارلايدى اlmaty-akshamy.kz.
دالا كەزىپ، شوعىرلانىپ جاتقان 14 كەسىرتكەنىڭ باسىنان ۇرىپ، ولاردى شالا-جانسار كۇيىندە ۇيىنە اكەلگەن. بۇل «اڭشىنىڭ» ءبىرىنشى ولجاسى، كەلەسى جولى ول 18 كەلەس كەسىرتكەسىن اۋلاعان كورىنەدى.
اۋرۋدىڭ داۋاسىن تابۋ ءۇشىن ءوزى اۋلاعان كەلەس كەسىرتكەسىن سويىپ، ءپىسىرىپ جەگەن.
ەر ادام 32 كەلەس كەسىرتكەسىنىڭ 12ء-سىن سويىپ، ەتى مەن تەرىسىن جەپ، قالعان 20-سىن كەيىن تۇتىنۋ ءۇشىن ۇيىندە ساقتاعان.
سوت ەر ادامدى 3 جىلعا باس بوستاندىعىنان ايىرۋ جازاسىنا كەسىپ، ەكولوگيا مينيسترلىگىنىڭ پايداسىنا 141 ميلليون 900 مىڭ سۋم (5 533 109 تەڭگە) وندىرۋگە ۇكىم شىعاردى.
ايتا كەتۋ كەرەك، سوڭعى جىلدارى ەم ىزدەپ، كىرپى اۋلاپ كەتكەندەر كەزدەسىپ ەدى. سونىمەن قاتار، ەمىنە داۋا ىزدەگەندەر ەسەك ءسۇتىن دە ىشكەنى تۋرالى اقپارات تاراعان بولاتىن.