2022 جىلى 13% بولعان.
مادەنيەت جانە سپورت ءمينيسترى اسحات ورالوۆ وتاندىق كينەماتوگرافيانى، سونىڭ ىشىندە جەكە كينوكومپانيالاردى دامىتۋ جانە قولداۋ شارالارى ارقىلى قازاقستاندىق فيلمدەردىڭ پروكات كولەمى 2030 جىلعا دەيىن 35%-عا ارتاتىنىن ايتتى، دەپ حابارلايدى Almaty-akshamy.kz
"سونىمەن قاتار قازاقستان كينەماتوگرافياسىنىڭ حالىقارالىق فەستيۆالدەر مەن كونكۋرستارداعى اياسى ۇلعايادى. وڭىرلەردە كەشەندى مەملەكەتتىك-جەكە مەنشىك كينوپروكاتتى ۇيىمداستىرۋ ماقساتىندا پروەكسيالىق جابدىقتار مەن جىلجىمالى كينوقوندىرعىلاردى كەزەڭ-كەزەڭىمەن الۋ ماسەلەسى پىسىقتالادى".
سونىمەن قاتار مينيستر جەرگىلىكتى اتقارۋشى ورگاندارمەن جانە شىعارماشىلىق زيالى قاۋىممەن بىرلەسىپ، رەسپۋبليكا كۇنىنە وراي "قازاقستاننىڭ حالىق ءارتىسى" اتاعىن بەرۋ جونىندەگى ۇسىنىستار ەنگىزىلەتىنىن ايتتى.
وعان قوسا الداعى ۋاقىتتا ەلىمىزدەگى مەملەكەتتىك تەاترلاردىڭ رەپەرتۋارلارى وتاندىق اۆتورلاردىڭ كەم دەگەندە 1 قويىلىمىمەن جىل سايىن تولىعىپ وتىرادى.
مادەنيەت پەن ونەردە جۇرگەن تالانتتى جاستاردى حالىقارالىق دەڭگەيگە شىعارۋ ماقساتىندا جاڭا كونكۋرستار مەن فەستيۆالدەر ۇسىنىلىپ، ولارعا قولداۋ كورسەتىلەدى.
ودان بولەك، مۋزەيلەر مەن كىتاپحانالار مادەني قۇندىلىقتارعا قولجەتىمدىلىكتى قامتاماسىز ەتەتىن كوپ فۋنكسيونالدى اقپاراتتىق جانە دەمالىس ورتالىعىنا اينالۋعا ءتيىس.
"جۇرگىزىلىپ جاتقان جۇمىستىڭ ناتيجەسىندە ەلىمىزدەگى مۋزەيلەر مەن كىتاپحانالارعا كەلۋشىلەردىڭ جىل سايىنعى سانى 3%-عا (2022 جىلى – 58،8 ملن، جىل سايىن 764 مىڭ ادامعا ءوسۋ جوسپارلانعان) ارتادى"، - دەدى مينيستر.