توتەنشە جاعدايلار مينيسترلىگى تج-نىڭ الدىن الۋ مەن ولاردى جويۋ جۇيەسىندەگى تيىمدىلىكتى ارتتىرۋ ءۇشىن سيفرلىق جانە يننوۆاسيالىق تەحنولوگيالاردى ەنگىزۋ بويىنشا جۇمىستى جالعاستىرۋدا، دەپ حابارلايدى aqshamnews.kz.
بۇل باعىتتاعى ماڭىزدى قادام تج-نىڭ الدىن الۋ جانە ولاردى جويۋ جونىندەگى بارلىق ءىس-قيمىلداردى ۇيلەستىرۋدىڭ نەگىزگى ەلەمەنتىنە اينالعان كوماندالىق ورتالىقتىڭ جەدەل شتابىنىڭ جۇمىسى ءۇشىن جاڭارتىلعان احۋالدىق زالدى ەنگىزۋ بولدى. مۇندا ىقتيمال تەحنوگەندىك جانە تابيعي اپاتتاردى بولجاۋ، مودەلدەۋ جانە تالداۋ، سونداي-اق ولاردىڭ سالدارىن باعالاۋ قۇرالدارى بار سيفرلىق سەرۆيستەر شوعىرلانعان.
تجم سيفرلىق سەرۆيستەرىنىڭ نەگىزىن «تج گاج» گەواقپاراتتىق جۇيەسى قۇرايدى، ول ءورت، تەحنولوگيالىق اۆاريالار، مەتەورولوگيالىق اپاتتار جانە مۇنايدىڭ توگىلۋى سياقتى ءتۇرلى تج مونيتورينگى مەن بولجاۋعا ارنالعان كىشى جۇيەلەردى قامتيدى. سونىمەن قاتار جۇيەدە وڭىرلەردىڭ سيفرلىق قاۋىپسىزدىك پاسپورتتارى جانە تاريحي دەرەكتەردى قوسا العاندا، قازاقستان رەسپۋبليكاسىنىڭ اۋماعىنداعى تابيعي جانە تەحنوگەندىك تج اتلاسىن كورسەتەتىن ينتەراكتيۆتى كارتالار پايدالانىلادى.
جۇيەنىڭ ماڭىزدى قۇرامداس بولىگى سەل جاعدايىن باقىلاۋ بولىپ تابىلادى. ول ءۇشىن سەل ءقاۋپى بار كەزەڭدە تۇرگەن كولدەرى مەن تالعار وزەنىنىڭ بوگەتىندە PTZ-كامەرالار، سونداي-اق داچيكتەر مەن اۆتوماتتاندىرىلعان ۇۇا-نى پايدالانا وتىرىپ، مۇزداق كولدەردىڭ مونيتورينگى اۆتوماتتاندىرىلعان جۇيەسى پايدالانىلادى.
ءورت قاۋىپسىزدىگى سالاسىندا «سەرگەك» كامەرالارى، سونداي-اق ورمان شارۋاشىلىقتارىنداعى ورتتەردى انىقتاۋعا ارنالعان كامەرالار سياقتى بەينەباقىلاۋ جۇيەلەرى ەنگىزىلدى. قازىرگى ۋاقىتتا «ەرتىس ورمانى»، «بۋراباي»، «سەمەي ورمانى» موتر، «مەدەۋ» رمك جانە ەلىمىزدىڭ بارلىق اۋماعىنداعى باسقا دا وبەكتىلەردىڭ جۇيەلەرى ىسكە قوسىلعان.
حالىقتى جەدەل حاباردار ەتۋ ءۇشىن تجم-دە بۇكىل ەلىمىزدەگى سيرەنا-سويلەۋ قوندىرعىلارىن باسقارۋعا مۇمكىندىك بەرەتىن وتاندىق اپپاراتتىق-باعدارلامالىق كەشەن بەلسەندى ازىرلەنۋدە. پايدالانۋشىنىڭ ورنالاسقان جەرىن انىقتاۋعا، توتەنشە جاعدايلار بويىنشا ءىس-قيمىلدار نۇسقاۋلىقتار بەرۋگە، سونداي-اق مۇمكىندىگى شەكتەۋلى ادامدار ءۇشىن كەرى بايلانىستى قامتاماسىز ەتۋگە مۇمكىندىك بەرەتىن ءموبيلدى قوسىمشانى قۇرۋ بويىنشا جۇمىس جۇرگىزىلۋدە.
جاڭعىرتۋداعى ماڭىزدى قادام تجم، ءىىم، ۇۇ، قاجك سياقتى باسقا دا مەملەكەتتىك ورگاندارمەن، سونداي-اق ورمان شارۋاشىلىقتارىمەن جانە «Qarmet» ۇيىمدارىمەن جەدەل ءوزارا ءىس-قيمىل جاساۋ ءۇشىن ءبىرىڭعاي راديو جەلىسىن سالۋ بولىپ تابىلادى.
سونىمەن قاتار سيفرلاندىرۋ اياسىندا قاۋىپسىزدىك پاسپورتتارىن سيفرلاندىرۋ جۇمىستارى جالعاسۋدا. ءقازىردىڭ وزىندە «سيفرلىق قاۋىپسىزدىك پاسپورتى» ىشكى جۇيەسى، سونداي-اق «ينتەراكتيۆتى كارتا» ەنگىزىلگەن، بۇل دەرەكتەردى وزەكتەندىرۋ جانە ولاردى كۇندەلىكتى قىزمەتتە پايدالانۋ بويىنشا اۋماقتىق بولىمشەلەردىڭ جۇمىسىن ەداۋىر جەڭىلدەتەدى.
قازىرگى ۋاقىتتا تجم قىزمەتكەرلەرىنىڭ 20 مىڭنان استام جەكە ءىسى سيفرلاندىرىلدى، بۇل كادر جۇمىسىن ودان ءارى اۆتوماتتاندىرۋ ءۇشىن نەگىز بولىپ تابىلادى. اقپاراتتىق جۇيەدە ەسەپتىلىكتى اۆتوماتتاندىرىلعان قالىپتاستىرۋ دا جۇزەگە اسىرىلادى، بۇل پەرسونالمەن جۇمىس تيىمدىلىگىن ارتتىرۋعا، بيۋروكراتيانى تومەندەتۋگە جانە كادر قىزمەتىنە جۇكتەمەنى ازايتۋعا ىقپال ەتەدى.
تجم سيفرلىق تەحنولوگيالاردى ينتەگراسيالاۋ بويىنشا جۇمىستى جالعاستىرۋدا، بۇل توتەنشە جاعدايلاردا ءىس-قيمىلداردىڭ جەدەلدىگىن، تيىمدىلىگى مەن دالدىگىن ەداۋىر ارتتىرۋعا، سونداي-اق بارلىق تارتىلعان قۇرىلىمدار مەن ورگانداردىڭ ءوزارا ءىس-قيمىلىن جاقسارتۋعا مۇمكىندىك بەرەدى.