ەلىمىزدە 2027 جىلعا قاراي قوسىمشا 20 جاڭا سۋ قويماسى سالىنادى.
قولدانىستاعى گيدروتەحنيكالىق نىساننىڭ 15ء-ى باستان-اياق قايتا جاڭعىرتىلادى. بۇل تۋرالى سالاعا جاۋاپتى مينيسترلىك ءمالىم ەتتى، دەپ حابارلايدى اlmaty-akshamy.kz. جۇمىس جوسپارى ەكى بولىمنەن تۇرادى. الدىمەن جامبىل، الماتى، اقمولا، باتىس قازاقستان وبلىستارىنا 1،7 تەكشە كيلومەتر تىرشىلىك ءنارىن جينايتىن 8 سۋ قويماسىن سالۋ كوزدەلگەن. كەيىن، اقتوبە، قىزىلوردا، شىعىس قازاقستان جانە قاراعاندى وڭىرلەرىندە 12 نىساننىڭ قۇرىلىسى جۇرەدى. ءقازىر سمەتالىق قۇجات ازىرلەنىپ جاتىر. سۋ كودەكسى قايتا رەداكسيالانادى. وسى ارقىلى سۋدىڭ «قارا نارىعىن» جويۋ جونىندەگى شارالار كۇشەيتىلەدى. زاڭ بۇزۋشىلىقتار ءۇشىن جاۋاپكەرشىلىك قاتاڭداتىلادى. سونىمەن قاتىر، سۋ رەسۋرستارىنىڭ اقپاراتتىق ورتالىعى قۇرىلادى.
بۇل - سالاعا قاتىستى بارلىق دەرەكتەردى اۆتوماتتى رەجيمدە ۇسىنۋعا، گيدرو مەتەورولوگيالىق مونيتورينگ جۇيەسى نەگىزىندە سۋ تاسقىنى جاعدايلارىن مودەلدەۋگە، ترانسشەكارالىق سۋ وبەكتىلەرى بويىنشا دەرەكتەردى تالداۋعا مۇمكىندىك بەرەدى.