قازاقستاندا ازىق-تۇلىككە جۇمسالاتىن شىعىن 14 پايىزعا ءوستى.
2023 جىلدىڭ ەكىنشى توقسانىندا ءۇي شارۋاشىلىقتارىنىڭ ازىق-تۇلىك پەن الكوگولسىز سۋسىندارعا جۇمساعان شىعىندارى 13،9%-عا ءوسىپ، 421،1 مىڭ تەڭگەنى قۇرادى، دەپ حابارلايدى اlmaty-akshamy.kz Finprom.kz-كە سىلتەمە جاساپ
بۇل شىعىنداردىڭ ازىق-تۇلىك تاۋارلارىنا جۇمسالعان بارلىق شىعىندارداعى ۇلەسى 92%-دى، جالپى تۇتىنۋ شىعىندارىنان 52%-دى قۇرادى.
سالىستىرۋ ءۇشىن: وتكەن جىلدىڭ سايكەس كەزەڭىندە ازىق-تۇلىك پەن الكوگولسىز سۋسىندارعا جۇمسالعان شىعىن 369،8 مىڭ تەڭگەنى قۇرادى، بۇل ءبىر جىل بۇرىنعىدان 9،6%-عا ارتىق.
وڭىرلەر بويىنشا ازىق-تۇلىك پەن الكوگولسىز سۋسىندارعا ەڭ كوپ شىعىن تۇركىستان وبلىسىنىڭ تۇرعىندارى اراسىندا تىركەلدى: توقسانىنا 557،5 مىڭ تەڭگە – ءبىر جىل بۇرىنعىدان 13،9%-عا ارتىق.
تاماققا كوپ اقشا جۇمسايتىن وڭىرلەردىڭ “بەستىگىنە” سونىمەن قاتار ماڭعىستاۋ وبلىسى (551،6 مىڭ تەڭگە، پليۋس 10%)، اتىراۋ وبلىسى (512،4 مىڭ تەڭگە، پليۋس 14،5%)، ۇلىتاۋ وبلىسى (502،5 مىڭ تەڭگە، پليۋس 30%) جانە الماتى وبلىسى (484،3 مىڭ تەڭگە پليۋس 7،6%) كىردى.
ازىق-تۇلىك پەن الكوگولسىز سۋسىندارعا شىعىنداردىڭ جىل سايىنعى ەڭ ۇلكەن ءوسىمى ۇلىتاۋ وبلىسىندا، ەڭ ازى - پاۆلودار وبلىسىندا بايقالدى.
تۇرعىنداردىڭ ازىق-تۇلىك جانە الكوگولسىز سۋسىندارعا جۇمساعان شىعىندارىنىڭ قۇرىلىمىندا ەڭ كوپ ۇلەستى (33،4%) ەت جانە ەت ونىمدەرى الىپ وتىر: رەسپۋبليكا بويىنشا ورتاشا كورسەتكىش - 140،6 مىڭ تەڭگە. بۇل وتكەن جىلمەن سالىستىرعاندا 14،7%-عا ارتىق.
ەكىنشى قاتاردا نان ونىمدەرى مەن جارما ونىمدەرى تۇر: 64،5 مىڭ تەڭگە، پليۋس 15%. “ۇشتىكتى” ءسۇت ونىمدەرى جاپتى - قازاقستاندىقتار ولارعا 44،7 مىڭ تەڭگە جۇمسادى، بۇل 2022 جىلدىڭ ەكىنشى توقسانىمەن سالىستىرعاندا 21،4%-عا كوپ.
ەل تۇرعىندارى جەمىس-جيدەكتەرگە 35،1 مىڭ تەڭگە، كوكونىس ساتىپ الۋعا 34،3 مىڭ تەڭگە، قانت، كونديتەرلىك ونىمدەر مەن تاتتىلەرگە 28،1 مىڭ تەڭگە، مايعا 22،7 مىڭ تەڭگە، الكوگولسىز سۋسىندار مەن بالىق،تەڭىز ونىمدەرىنە 17،6 مىڭ تەڭگە، جۇمىرتقاعا - 9،1 مىڭ تەڭگە جۇمسادى.