وقۋ-اعارتۋ مينيسترلىگىنىڭ مالىمەتى بويىنشا «كەلەشەك مەكتەپتەرى» جوباسى اياسىنداعى 217 مەكتەپ قۇرىلىسىنا 1،5 ترلن تەڭگە قاراستىرىلعان.
بۇل مەكتەپتەردىڭ جارتىسىنا جۋىعى اۋىلدىق جەرلەردە بوي كوتەرەدى. ول اۋىلداردا 200 مىڭنان استام بالا بار. ياعني، جوبا قالا مەن اۋىل مەكتەپتەرى اراسىنداعى الشاقتىقتى جويۋدى كوزدەيدى، دەپ حابارلايدى aqshamnews.kz 24.kz-كە سىلتەمە جاساپ.
جالپى مەملەكەت باسشىسىنىڭ تاپسىرماسى بويىنشا ءۇش جىلدا 1231 ءبىلىم وشاعىن جاڭعىرتۋ كوزدەلگەن. ولاردىڭ دا جارتىسىنان كوبى اۋىلدىق جەرلەردە ورنالاسقان. بۇل جۇمىستار ەلدەگى اپاتتى مەكتەپتەر سانىن ازايتىپ، ءۇش اۋىسىممەن وقىتۋدى جويۋدى كوزدەيدى.
جايىق ماقسۇتوۆ، ق ر وقۋ-اعارتۋ مينيسترلىگى ينفراقۇرىلىمدى دامىتۋ دەپارتامەنتىنىڭ باسقارما باسشىسى:
- 2021 جىلى وقۋشىلار ورىندارىنىڭ تاپشىلىعىنا سايكەس تالداۋ جۇرگىزگەن بولاتىنبىز. 2027 جىلعا قاراي نەگىزگى ورنى تاپشىلىعى 1 ميلليونعا جۋىقتى قۇرايتىن. ياعني، وسى وقۋشى ورنىنىڭ تاپشىلىعىن الدىن الۋ ءۇشىن وسى «جايلى مەكتەپ» ىسكە اسىرىلىپ جاتىر. وسى جوبا اياسىندا وقۋشى ورىندارىنىڭ تاپشىلىعى جانە 3 اۋىسىمدى مەكتەپتەردىڭ ماسەلەسى شەشىلەدى دەپ كۇتىپ وتىرمىز. ياعني، وسى ۇلتتىق جوبا باستالعاننان بەرى قازىرگى تاڭدا 3 اۋىسىمدى مەكتەپتەردىڭ سانى 2 ەسەگە ازايدى.