قازاقستان ارا شارۋاشىلىعى ونىمدەرىن ەكسپورتتاۋ الەۋەتىن دامىتۋ جولىندا ماڭىزدى قادام جاسادى: شىعىس قازاقستان وبلىسى، گلۋبوكوە اۋدانىندا ورنالاسقان «SUN-BEE ALTAI» ج ش س ەلىمىزدەگى العاشقى ارا شارۋاشىلىعى ءونىمى مەن بال ءوندىرۋشى كاسىپورىن رەتىندە ەۋروپالىق وداقتىڭ رەسمي تىزىلىمىنە – Honey and other apiculture products establishments (HON) ەنگىزىلدى، دەپ حابارلايدى aqshamnews.kz.
بۇل جەتىستىك قازاقستان رەسپۋبليكاسى اۋىل شارۋاشىلىعى مينيسترلىگى، اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتى جانە كاسىپورىننىڭ ءوزى تاراپىنان وندىرىستىك ۇدەرىستەردى ەۋروپالىق وداقتىڭ ۆەتەريناريالىق-سانيتاريالىق تالاپتارى مەن ستاندارتتارىنا تولىق سايكەستەندىرۋ بويىنشا كوپجىلدىق جۇيەلى جۇمىستىڭ ناتيجەسىندە مۇمكىن بولدى.
قازاقستاننان بالدى ەۋروپالىق وداق ەلدەرىنە ەكسپورتتاۋ مۇمكىندىگى 2025 جىلعى 21 اقپانداعى ەۋروپالىق كوميسسيانىڭ قاۋلىسى جاريالانعاننان كەيىن، 2025 جىلعى 12 ناۋرىزدان باستاپ رەسمي تۇردە اشىلدى.
«SUN-BEE ALTAI» ءجشس-نىڭ HON تىزىلىمىنە ەنگىزىلۋى كاسىپورىنعا گەرمانيا، فرانسيا، يتاليا، بەلگيا، نيدەرلاندى، اۆستريا، يسپانيا، پولشا، چەحيا، سلوۆاكيا، سلوۆەنيا، لاتۆيا، ليتۆا، ەستونيا، ۆەنگريا، فينليانديا، شۆەسيا، دانيا، پورتۋگاليا، گرەكيا، بولگاريا، رۋمىنيا، حورۆاتيا، يرلانديا، كيپر، ليۋكسەمبۋرگ جانە مالتا مەملەكەتتەرىنە ەكسپورت جاساۋ قۇقىعىن بەرەدى.
كوميتەت الداعى ۋاقىتتا دا قازاقستاننىڭ ارا شارۋاشىلىعى ونىمدەرىن ەكسپورتتاۋ الەۋەتىن ارتتىرۋ ماقساتىندا ەۋروپالىق نارىققا شىعۋعا مۇددەلى كاسىپورىندارعا قولداۋ كورسەتىپ، ءتيىستى ينسپەكسيالار جۇرگىزۋدى جالعاستىرادى.