ءماجىلىس وقۋ اعارتۋ مينيسترلىگى باستاماشى بولعان ءبىلىم بەرۋ جانە بالا قۇقىقتارىن قورعاۋ ماسەلەلەرى بويىنشا زاڭدى ەكىنشى وقىلىمدا قابىلدادى، دەپ حابارلايدى aqshamnews.kz
زاڭ كاسىبي قابىلداۋشى وتباسىلار قىزمەتىنىڭ قۇقىقتىق نەگىزدەرىن، وسى سالاداعى قۇقىقتىق قاتىناستار سۋبەكتىلەرىنىڭ قۇقىقتارى مەن مىندەتتەرىن، سونداي-اق قورعانشىلىق نەمەسە قامقورشىلىق سالاسىنداعى كاسىبي قابىلداۋشى وتباسىلار مەن ۋاكىلەتتى ورگانداردىڭ ءوزارا ءىس-قيمىل تەتىكتەرىن انىقتايدى. دەپۋتاتتاردىڭ باستاماسىمەن وسى زاڭعا 2027 جىلعى 1 قاڭتاردان باستاپ مەكتەپكە دەيىنگى تاربيە مەن وقىتۋ سالاسىنداعى قىزمەتتەردى كورسەتەتىن ۇيىمداردى ليسەنزيالاۋ ءتارتىبى ەنگىزىلدى. سونىمەن قاتار قوسىمشا ءبىلىم بەرۋ ۇيىمدارى (ۇيىرمەلەر، سەكسيالار جانە ت.ب.) ءۇشىن قىزمەتتى باستاۋ نەمەسە توقتاتۋ تۋرالى حابارلاما ءتارتىبى بەلگىلەنەدى. تەحنيكالىق جانە كاسىپتىك ءبىلىم بەرەتىن ۇيىمداردا ونلاين وقىتۋ نىسانى مەن اكادەميالىق ۇتقىرلىق قاعيداتى، سونداي-اق مەنشىك نىسانىنا قاراماستان مەكتەپتەردەگى الەۋمەتتىك جاعىنان وسال وتباسىلار ساناتىنداعى بالالارعا الەۋمەتتىك كومەك كورسەتۋ تەتىكتەرى قاراستىرىلادى.