الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى بولىپ ءاسيا اقانوۆا تاعايىندالدى، دەپ حابارلايدى aqshamnews.kz
الماتى اكىمى ەربولات دوسايەۆتىڭ وكىمىمەن قالانىڭ قوعامدىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى بولىپ ءاسيا ايقان قىزى اقانوۆا تاعايىندالدى.
ءاسيا اقانوۆا دارىگەرلەر وتباسىندا تۋىپ-وسكەن. «بولاشاق» باعدارلاماسىنىڭ تۇلەگى بولا وتىرىپ، University College London (2013 جانە اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىن (2015)، «جالپى مەديسينا» ماماندىعى بويىنشا دوكتورانتۋرانى (2016) بىتىرگەن. سونداي-اق، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا جەرگىلىكتى جانە مەملەكەتتىك باسقارۋ ماماندىعى بويىنشا وقۋىن اياقتادى (2024). ىسكەرلىك اكىمشىلەندىرۋ ماگيسترى دارەجەسىنە يە.
ءاسيا اقانوۆا ەڭبەك جولىن 2011 جىلى قازۇمۋ وتباسىلىق مەديسينا كافەدراسىنىڭ زەرتحاناشىسى جانە ادىسكەرى، دوسەنتى، كەيىن كافەدرا مەڭگەرۋشىسى بولىپ باستاعان. 2018-2020 جىلدار ارالىعىندا الماتىدا بەلسەندى ۇزاق ءومىر ءسۇرۋ ورتالىعىنىڭ اشۋمەن جانە وعان باسشىلىق جاساۋمەن اينالىستى. 2022 جىلدان باستاپ قازىرگى ۋاقىتقا دەيىن ول VIII سايلانعان الماتى قالاسى ءماسليحاتىنىڭ دەپۋتاتى بولىپ تابىلادى. سونىمەن قاتار، بۇگىنگى كۇنگە دەيىن ءال-فارابي اتىنداعى قازۇۋ وتباسىلىق مەديسينا كافەدراسىنىڭ دوسەنتى رەتىندە عىلىمي-پەداگوگيكالىق قىزمەتىن جالعاستىرۋدا.