«ازاماتتارعا ارنالعان ۇكىمەت» مەملەكەتتىك كورپوراسياسى حابارلاعانداي، 2025 جىلدان باستاپ ايلىق ەسەپتىك كورسەتكىش (اەك) 3 932 تەڭگەگە وسۋىنە بايلانىستى مەملەكەتتىك قۇجاتتاردى دايىنداۋ قۇنى دا ارتتى، دەپ حابارلايدى aqshamnews.kz
ءتولقۇجات جاساتۋ قۇنى:
– 24 پاراق (16 جاسقا دەيىنگى بالالار ءۇشىن) – 4 اەك نەمەسە 15 728 تەڭگە.
– 36 پاراق – 8 اەك نەمەسە 31 456 تەڭگە.
– 48 پاراق (ەرەسەكتەر ءۇشىن) – 12 اەك نەمەسە 47 184 تەڭگە.
ءتولقۇجات ءوتىنىم بەرىلگەن كۇننەن باستاپ 15 جۇمىس كۇنى ىشىندە دايىن بولادى. قوسىمشا اقى تولەپ، ونى جەدەلدەتىپ الۋ مۇمكىندىگى قاراستىرىلعان.
جەكە كۋالىك جاساتۋ قۇنى:
– جەكە كۋالىك – 0،2 اەك نەمەسە 786،4 تەڭگە.
– جوعالتىپ، ءبىر جىل ىشىندە ەكى رەتتەن ارتىق جاساتسا – 1 اەك نەمەسە 3 932 تەڭگە.
جەدەلدەتىلگەن قۇجات دايىنداۋ قۇنى:
– استانا، الماتى، شىمكەنت جانە اقتوبە قالالارى:
1 جۇمىس كۇنى – 3 372 تەڭگە، 3 جۇمىس كۇنى – 1 771 تەڭگە.
– وبلىس ورتالىقتارى:
3 جۇمىس كۇنى – 3 372 تەڭگە، 5 جۇمىس كۇنى – 1 771 تەڭگە.
– اۋداندار مەن وبلىس قالالارى:
7 جۇمىس كۇنى – 605،31 تەڭگە.
ەسكە سالايىق، بيىل 1 اەك 3 932 تەڭگە بولىپ بەكىتىلدى. بۇل وتكەن جىلعى 3 692 تەڭگەگە قاراعاندا جوعارى.