باسپانا - ءار وتباسىنىڭ باستى قاجەتتىلىكتەرىنىڭ ءبىرى. قازاقستاندا يپوتەكا باعدارلامالارى ارقىلى تۇرعىن ءۇي الۋ – حالىق ءۇشىن ەڭ تانىمال ءارى قولجەتىمدى شەشىمدەردىڭ ءبىرى.
قازاقستاندا يپوتەكا بانكتەر مەن مەملەكەتتىك باعدارلامالار ارقىلى بەرىلەدى. تۇرعىن ءۇي نارىعىندا سۇرانىسقا يە بولۋ ءۇشىن مەملەكەتتىك قولداۋ جانە ءتيىمدى شارتتار ۇسىنىلادى. بۇگىنگى كۇنى ەلدە تومەن پايىزدىق مولشەرلەمە، ۇزاق مەرزىم، باستاپقى جارنانىڭ يكەمدىلىگى سياقتى شارتتارمەن بىرنەشە يپوتەكالىق باعدارلاما بار، دەپ حابارلايدى aqshamnews.kz.
7-20-25
- ەرەكشەلىگى: مەملەكەتتىك تۇرعىن ءۇي باعدارلاماسى.
- پايىزدىق مولشەرلەمە: 7%.
- باستاپقى جارنا: 20%.
- مەرزىمى: 25 جىلعا دەيىن.
- كىمدەرگە ارنالعان: ورتاشا تابىسى بار ازاماتتارعا.
- ارتىقشىلىقتارى:
- ۇزاق مەرزىمدە تولەم جاساۋ مۇمكىندىگى.
- تومەن پايىزدىق مولشەرلەمە.
- جاڭا ۇيلەردى ساتىپ الۋعا باعىتتالعان.
ەسكەرتە كەتەتىنى، 1 قاڭتاردان باستاپ بۇل باعدارلاماعا جاڭا تالاپ ەنگىزىلدى. ءۇي الاتىن ادامنىڭ (نە بولماسا جۇبايىنىڭ) مەنشىگىندە سوڭعى 18 ايدا باسپانا بولماۋى كەرەك. ءبىراق بۇل ساناتقا اپاتتى جاعدايدا تۇرعان، اۋماعى 15 شارشى مەتردەن اسپايتىن 1 بولمەلى جاتاقحانالىق ءۇي-جايلار كىرمەيدى.
قارجىلىق ساۋات تەلەگرام-ارناسىنىڭ مالىمەتىنشە، وسى باعدارلامامەن كرەديت راسىمدەگەن اسكەري ماماندارعا دا بەلگىلى ءبىر دەڭگەيدە جەڭىلدىك بەرىلەدى. ياعني مەرزىمدى اسكەري قىزمەتتە جۇرگەن كليەنت نەگىزگى قارىزى مەن پايىزدارىن وتەۋ مەرزىمىن كەيىنگە قالدىرا الادى. ونداي مۇمكىندىك اسكەري مەرزىم اياقتالعان سوڭ دا 60 كۇنگە دەيىن ساقتالادى.
“ناۋرىز”
- سىياقى مولشەرلەمەسى: حالىقتىڭ الەۋمەتتىك وسال توپتارى ءۇشىن جىلدىق 7% (جتسم 7،3%-دان 8،9% دەيىن)، باسقا ساناتتاعى ازاماتتار ءۇشىن 9% (جتسم 9،3%-دان 11،8% دەيىن).
- العاشقى جارنا: 20%-دان 10%عا تومەندەتىلدى.
- نەسيە مەرزىمى: 19 جىلعا دەيىن.
- نەسيە سوماسىنىڭ شەگى: استانا جانە الماتى قالالارى ءۇشىن 36 ملن تەڭگەگە دەيىن، باسقا وڭىرلەر ءۇشىن 30 ملن تەڭگەگە دەيىن.
- قاتىسۋشىلار: بارلىق قازاقستاندىق، ونىڭ ىشىندە تۇرعىن ءۇي كەزەگىندە تۇرعان حالىقتىڭ الەۋمەتتىك وسال توپتارى، جۇمىس ىستەيتىن جاستار، جاس وتباسىلار، تۇرعىن ءۇي تولەمدەرىن الۋشىلار، وتباسى بانك سالىمشىلارى، مونوقالالاردىڭ، اۋدان ورتالىقتارى مەن اۋىلدىق ەلدىمەكەندەردىڭ تۇرعىندارى.
بيىلعى تالاپ بويىنشا ەندى ساتىپ الىناتىن باسپانا قونىسقا دايىن بولۋى شارت.
سونداي-اق “ناۋرىزبەن” باسپانا الاتىنداردىڭ شوتىندا 2 ملن تەڭگە بولۋى كەرەك.
“ۇماي”
شارتتارى:
- نەسيە سوماسى: ەڭ جوعارىسى 30 ملن تەڭگەگە دەيىن.
- پايىزدىق مولشەرلەمە: العاشقىدا جىلدىق 14،4%، كەيىننەن 3،5%-5%-عا دەيىن تومەندەتىلەدى.
- باستاپقى جارنا: 15%-20%.
- نەسيە مەرزىمى: 25 جىلعا دەيىن.
- تۇرعىن ءۇي تاڭداۋى: العاشقى جانە ەكىنشى نارىقتان، سونىڭ ىشىندە ۇلەستىك قاتىسۋ شارتتارى بويىنشا ساتىپ الۋعا بولادى.
“جاسىل يپوتەكا”
شارتتارى:
- زاەم ماقساتى - ءومىر/ ر مەمست/ BREAM/ LEED سايكەستىك سەرتيفيكاتتارى بار، قۇرىلىستىڭ «جاسىل ستاندارتىنا» سايكەس كەلەتىن نىساننان جاڭا تۇرعىن ءۇي ساتىپ الۋ جانە جوندەۋ جۇمىستارىن جۇرگىزۋ؛
- باستاپقى جارنا – شارتتىق سومانىڭ 20%-نان 50%-نا دەيىن؛
- زاەم مەرزىمى – 6 ايدان 25 جىلعا دەيىن؛
- قارىز سوماسىنىڭ 50%-ىن جيناقتاعاننان كەيىن زاەم مولشەرلەمەسىن تومەندەتۋ -جىلدىق 3،5 % (جتسم 3،6% باستاپ 4،4% دەيىن) باستاپ جىلدىق 5 % (جتسم 5،1% باستاپ 6،9% دەيىن) دەيىن؛
- زاەمنىڭ ەڭ جوعارعى سوماسى – 35 000 000 تەڭگەگە دەيىن.
يسلام يپوتەكاسى
وتباسى بانك سەرىكتەستەرىمەن بىرگە 2025 جىلى قازاقستاندا يسلام يپوتەكاسىن ىسكە قوسۋدى جوسپارلاپ وتىر.
شاريعات قاعيدالارىنا نەگىزدەلگەن يسلام يپوتەكاسىندا پايىزدار نەگىزگى قارىزعا قولدانىلا المايدى. سوندىقتان الداعى ۋاقىتتا بانك تۇرعىن ءۇي قۇرىلىس جيناق جۇيەسىن پايدالانا وتىرىپ، يسلام قاعيداتتارى بويىنشا تۇرعىن ءۇيدى قانشالىقتى ناقتى ساتىپ الۋعا بولاتىنىن قاراستىرادى.
وتباسى بانك CSQlaw قازاقستانداعى فيليالىمەن دە مەموراندۋمعا قول قويدى. بۇل مالايزيالىق كومپانيانىڭ قازاقستانداعى فيليالى. ىنتىماقتاستىق اياسىندا بۇل كومپانيا وتباسى بانك قىزمەتكەرلەرىن شارياتقا ساي قارجىلىق قۇقىق نەگىزدەرى مەن يسلامدىق قارجىلاندىرۋ بويىنشا كەشەندى وقىتۋدى ۇيىمداستىرادى.
ارزان باعاعا قالاي باسپانا الۋعا بولادى؟
جالپى، كوپ ادام بىلە بەرمەۋى مۇمكىن، نارىقتا ويىپ تۇرىپ ورىن العان قۇرىلىس كومپانيالارى ءوز كليەنتتەرىنە «سەرىكتەستىك باعدارلامامەن» يپوتەكا ۇسىنادى.
ونىڭ جىلدىق پايىزدىق ستاۆكاسى نارىقتاعى ەكىنشى دەڭگەيلى بانكتەردىڭ يپوتەكالىق ستاۆكالارىنان اجەپتاۋىر تومەن كەلەدى. قۇرىلىس كومپانيالارىنا ءۇي ىزدەپ بارعاندا مىندەتتى تۇردە وسى جايىندا سۇراڭىز، - دەپ جازادى قارجىلىق ساۋات تەلەگرام-ارناسى.
فۋندامەنتى ەندى باستالعان ۇيدەن دە ارزان باعاعا پاتەر الۋعا بولادى. ءبىراق ول نارىقتا مويىندالعان سەنىمدى كومپانيا بولعانى دۇرىس.
سودان كەيىنگى قادامىڭىز بىلاي: ءۇي سالۋشى كومپانيا مەنەدجەرىنىڭ كومەگىمەن تۇرعىن ءۇي كەشەنىن (جك) جانە پاتەردى “ورنالاسۋىنا” قاراپ وتىرىپ تاڭدايسىز. سەنىڭىز، قۇرىلىس كەزىندە ءۇي الدەقايدا ارزان بولادى. سوسىن ءۇي قۇنىنىڭ 20%-ىن جارنا رەتىندە تولەپ، ءوز پاتەرىڭىزدى “برونداۋ” ارقىلى باعاسىن “فيكساسيالايسىز”. فۋندامەنت كەزىندەگى باعانى سولاي ۇستاپ قالۋعا بولادى. سوسىن قۇرىلىس كومپانياسى ۇسىناتىن «سەرىكتەستىك باعدارلامامەن» كەلىسىمگە وتىرعان بانكتەردىڭ پروسەنتتىك ستاۆكاسىنا قاراپ وتىرىپ، يپوتەكالىق ونىمدەرىن قولداناسىز، - دەيدى ارنا.
بۇل پارتنەرلىك باعدارلاما كليەنتكە ەشقانداي شەكتەۋ قويمايدى. بانك قارىز الۋعا بەرگەن ءوتىنىمىڭىزدى ماقۇلداسا، سول جەتكىلىكتى. بۇل قىزمەتتەردىڭ ءبارىن ونلاين جاساۋعا بولادى.
جوعارىدا كەلتىرىلگەن يپوتەكا باعدارلامالارىنان باسقا دا جوبالار جەتەرلىك. مىسالى، عالىمدارعا، جۇمىسشى جاستارعا ارنالعان جالدامالى پاتەرلەر، وعان قوسا جاستارعا ارنالعان وڭىرلىك باعدارلامالار بار.