الماتىدا قۋاتتىلىعى تاۋلىگىنە 1200 تەكشە مەترگە دەيىنگى العاشقى قار ەرىتۋ پۋنكتى ىسكە قوسىلدى
الماتىدا قالا اكىمى ەربولات دوسايەۆتىڭ تاپسىرماسى اياسىندا قار ەرىتۋ پۋنكتى اشىلدى، وندا قازاقستاندا العاش رەت ەكولوگيالىق تازا ەرىتۋ تەحنولوگياسى جانە قاردى ءتيىمدى كادەگە جاراتۋ قولدانىلدى، دەپ حابارلايدى aqshamnews.kz
جاڭا پۋنكت بۇرىن «الماتى تازالىق» كمك كوكتايعاققا قارسى رەاگەنتتەرى ساقتالعان بازادا سالىنعان. ونى قۇرۋ قاجەتتىلىگى قالانىڭ ينفراقۇرىلىمىنا جۇكتەمەنىڭ ارتۋىمەن جانە سوڭعى جىلدارى قاردىڭ كوپ تۇسۋىنە بايلانىستى.
قار ەرىتۋ پۋنكتىنىڭ جۇمىس پروسەسى قولدانىستاعى كارىز جەلىسى ارقىلى كەلەتىن اعىندى سۋلاردىڭ جىلۋىن پايدالانۋعا نەگىزدەلگەن. قىسىممەن جىلى سۋ سورعى قوندىرعىلارى مەن قۇبىرلار جۇيەسىنەن ءوتىپ، قاردى ەرىتەدى. وسىدان كەيىن پايدا بولعان ەرىگەن سۋ سۇزگىگە تۇسەدى، قۇم مەن قوقىستاردان تازارتىلادى، سودان كەيىن قالالىق كارىز جەلىسىنە جىبەرىلەدى. پۋنكتتىڭ قۋاتى - تاۋلىگىنە 1200 تەكشە مەترگە دەيىن ق اردى ەرىتەدى.
قار ەرىتۋ پۋنكتىنە اۋەزوۆ، المالى جانە بوستاندىق اۋداندارىنىڭ اۋماقتارىنان قار جەتكىزىلەدى. بۇل اۋدانداردا قار ءۇيىندىسى ماسەلەسى وتە وتكىر، ال ترافيك ورتالىق كوشەلەردەن قاردى ءتيىمدى شىعارۋعا مۇمكىندىك بەرمەيدى.
سونىمەن قاتار، مۇنداي شەشىم قاردى قالادان تىس جەرلەرگە شىعارۋعا كەتەتىن ۋاقىت پەن رەسۋرستاردى ەداۋىر ازايتۋعا، سونداي-اق ەكولوگياعا تەرىس اسەردى ازايتۋعا مۇمكىندىك بەرەدى.
«الماتى تازالىق» مكك ديرەكتورىنىڭ ورىنباسارى ەرتاي قاسەنوۆ اتاپ وتكەندەي، قار ەرىتۋ پۋنكتىن ەنگىزۋ — ەكولوگيالىق تۇراقتىلىقتى قامتاماسىز ەتۋدەگى جانە مەگاپوليستە ءومىر ءسۇرۋ ساپاسىن جاقسارتۋداعى ماڭىزدى قادام.
«سوڭعى جىلدارى قىستا جاۋىن-شاشىن كۇشەيە ءتۇستى جانە ءبىز قاردى ءتيىمدى ۋتيليزاسيالاۋ ءۇشىن جاڭا شەشىمدەر ىزدەۋگە ءماجبۇرمىز. قار ەرىتۋ پۋنكتى — پوليگوندارعا قار شىعارىلاتىن ءداستۇرلى ادىسكە زاماناۋي بالاما»، - دەپ تولىقتىردى ءسوزىن ەرساي قاسەنوۆ.
ايتا كەتەيىك، جوبا قالا كوشەلەرىنىڭ قىسقى كۇتىمىن جاقسارتۋعا جانە قىس مەزگىلىندە الماتى تۇرعىندارى ءۇشىن جايلىلىقتى ارتتىرۋعا باعىتتالعان.