2025 جىلى وڭتۇستىك استانانىڭ دەنساۋلىق ساقتاۋ سالاسى بيۋدجەتى 344،7 ملرد تەڭگەنى قۇراپ وتىر. ونىڭ 165،1 ملرد تەڭگەسى – ءمامس پاكەتىنە، قالعان 179،6 ملرد تەڭگەسى – تەگىن مەديسينالىق كومەك پاكەتىنە تيەسىلى. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا مەديسينالىق ساقتاندىرۋ قورىنىڭ الماتى قالالىق فيليالى ديرەكتورى ءىلياس مۇحامەدجان حابارلادى.
ايتۋىنشا، ءمامس شەڭبەرىندە قارجىلاندىرۋ دەڭگەيى وتكەن جىلمەن سالىستىرعاندا 7% وسكەن.
«بيىل الماتى قالاسى بويىنشا 230 مەديسينا مەكەمەسى قورمەن كەلىسىمشارت بەكىتكەن، ونىڭ 138ء-ى – جەكەمەنشىك. قورمەن جۇمىس ىستەۋگە نيەت بىلدىرگەن جاڭا كلينيكالار سانى – 12. ولار نەگىزىنەن ەمحانالار مەن ستوماتولوگيالىق كلينيكالار.
كەپىلدەندىرىلگەن تەگىن كومەك جانە ءمامس پاكەتتەرى بويىنشا تاپسىرىس العان ەمحانالار مەن ستاسيونارلار ءتىزىمىن قوردىڭ msqory.kz رەسمي سايتىنان تابۋعا بولادى»، - دەپ اتاپ ءوتتى ءىلياس مۇحامەدجان.
2025 جىلى قارجىنىڭ باسىم بولىگىن ياعني، 46 ملرد تەڭگەسىن امبۋلاتوريا دەڭگەيىندە كورسەتىلەتىن مەديسينالىق كومەككە، سونىڭ ىشىندە، ەمحانا قىزمەتىنە، 36،9 ملرد تەڭگەسىن كونسۋلتاتيۆتىك-دياگنوستيكالىق قىزمەتتەرگە جۇمساۋ جوسپارلانعان. بۇل باعىتتى قارجىلاندىرۋ كولەمى وتكەن جىلمەن سالىستىرعاندا 23% ارتىپ وتىر.
2025 جىلى جۇكتى ايەلدەردى انتەناتالدى باقىلاۋعا قوسا، ءمامس شەڭبەرىندە بالا سۇيۋگە دايىندالىپ جۇرگەن (پرەگراۆيدارلىق دايارلىق) ەرلى-زايىپتىلارعا كونسۋلتاتيۆتىك-دياگنوستيكالىق كومەك قاراستىرىلعان. بۇعان قور 651 ملن تەڭگە ءبولدى. بۇل دەنى ساۋ ۇرپاق اكەلۋگە جوسپارلى دايىندىق دەڭگەيىن كوتەرۋگە كومەكتەسەدى.
پرەگراۆيدارلىق دايارلىق (الدىن-الا دايارلىق) – ەرلى-زايىپتىلاردىڭ دۇنيەگە بالا اكەلۋگە دايىندىعى مەن دەنساۋلىق جاعدايىن دياگنوستيكالاۋعا ارنالعان پروفيلاكتيكالىق جانە ەمدىك شارالار كەشەنى. ول «انالار ساۋلىعى» مەملەكەتتىك باعدارلاماسى شەڭبەرىندە جۇرگىزىلمەك.