الماتىنىڭ المالى اۋدانىندا بيىل 12،5 كم-دەن استام ارىق جۇيەسى سالىنادى، دەپ حابارلايدى aqshamnews.kz
الماتى اكىمى ەربولات دوسايەۆ المالى اۋدانى تۇرعىندارىمەن كەزدەسۋ بارىسىندا جول ينفراقۇرىلىمىن جاڭارتۋ جانە جولاۋشىلار تاسىمالى ساپاسىن ارتتىرۋ بويىنشا اتقارىلىپ جاتقان جۇمىستارعا توقتالدى.
قالا باسشىسىنىڭ مالىمدەۋىنشە، وتكەن جىلى اۋداندا 13،6 كم بولاتىن 15 كوشەگە ورتاشا جوندەۋ جۇرگىزىلدى. بيىل دا وسىنداي كولەمدە، ياعني ۇزىندىعى 11 كم بولاتىن 15 كوشە جوندەلمەك.
بۇعان قوسا، 2024 جىلى اۋدان اكىمدىگى اعىمداعى جوندەۋ جۇمىستارى اياسىندا 47 مىڭ شارشى مەتر جول جابىنىن قالپىنا كەلتىرىپ، 8،9 كم ارىق جۇيەسىن سالدى. 2025 جىلى تاعى 25 مىڭ شارشى مەتر جولدى جوندەۋ جانە 12،5 كم ارىق جۇيەسىن سالۋ جوسپارلانعان.
«تۇرعىندارعا قىزمەت كورسەتۋ ساپاسىن جاقسارتۋ ماقساتىندا اكىمدىك قوعامدىق كولىك پاركىن ۇنەمى جاڭارتىپ وتىرادى. 2024 جىلى المالى اۋدانىندا اۆتوبۋستار سانى 401-دەن 523-كە دەيىن كوبەيدى. بۇل ءتورت جاڭا مارشرۋت اشۋعا جانە 43 مارشرۋتقا قوسىمشا اۆتوبۋستار شىعارۋعا مۇمكىندىك بەردى»، – دەدى ەربولات دوسايەۆ.
ونىڭ ايتۋىنشا، قوعامدىق كولىكتىڭ قولجەتىمدىلىگىن ارتتىرۋ جانە دامىتۋ ماقساتىندا بيىل قالا بويىنشا تاعى 800 جاڭا اۆتوبۋس ساتىپ الىنىپ، قالا اۋداندارىنا بولىنەدى.