المالى اۋدانىنداعى ينجەنەرلىك جەلىلەردىڭ دامۋى مەن جاقسارۋىنا باعىتتالعان ماڭىزدى جۇمىستار 2024 جىلى باستالىپ، ۇلكەن جەتىستىكتەرگە جەتتى. وسى باعىتتا اۋدان تۇرعىندارىن تۇراقتى سۋمەن جانە كارىز جۇيەلەرىمەن قامتاماسىز ەتۋ ماقساتىندا ايتارلىقتاي جۇمىستار اتقارىلعانى جايىندا المالى اۋدانىنىڭ تۇرعىندارىمەن كەزدەسۋىندە قالا اكىمى ەربولات دوسايەۆ ايتتى، دەپ حابارلايدى aqshamnews.kz
- 2024 جىلى المالى اۋدانىنىڭ 21 كوشەسىندە 8،8 كم ينجەنەرلىك جەلى سالىندى. بۇل جۇمىستاردىڭ جالپى قۇنى 1،1 ملرد تەڭگەنى قۇرادى. بۇل جەلىلەر اۋدان تۇرعىندارىن ساپالى سۋمەن جانە كارىز جۇيەلەرىمەن تۇراقتى تۇردە قامتاماسىز ەتۋگە مۇمكىندىك بەردى. سونىمەن قاتار، 2024 جىلدىڭ قاراشا ايىندا تولە بي كوشەسىندەگى سورعى ستانسياسىنىڭ رەكونسترۋكسياسى اياقتالدى. قازىرگى تاڭدا ستانسيا 4 كوپقاباتتى تۇرعىن ءۇيدىڭ 1 500 ابونەنتىنە تۇراقتى سۋمەن جابدىقتاۋدى قامتاماسىز ەتەدى.
2025 جىلدىڭ سوڭىنا دەيىن المالى اۋدانىندا تاعى 23 كوشەدە 13،8 كم ينجەنەرلىك جەلى سالىنۋى جوسپارلانعان. بۇل ماقساتتارعا ارنالعان قارجى 6،2 ملرد تەڭگەنى قۇرايدى. بۇل جۇمىستار اۋداننىڭ ينفراقۇرىلىمىن ودان ءارى دامىتۋعا، تۇرعىنداردىڭ ءومىر ءسۇرۋ ساپاسىن ارتتىرۋعا مۇمكىندىك بەرەدى، - دەدى مەگوپوليس باسشىسى ە.دوسايەۆ
وتكەن جىلى ينجەنەرلىك جەلىلەردىڭ تاعى ءبىر ماڭىزدى سالاسى – جىلۋ جۇيەلەرىنىڭ رەكونسترۋكسياسى بويىنشا اۋقىمدى جۇمىستار جۇرگىزىلدى. جىلۋ جەلىلەرىن مودەرنيزاسيالاۋ جۇمىستارىنا جالپى سوماسى 1،5 ملرد تەڭگە ءبولىندى. ناتيجەسىندە 2،7 كم جىلۋ جەلىسى جاڭارتىلىپ، وسى جۇمىستاردىڭ ارقاسىندا جىلىتۋ جۇيەسى ايتارلىقتاي جاقساردى.
2025 جىلدىڭ مامىر ايىندا جىلىتۋ ماۋسىمى اياقتالعاننان كەيىن، تاعى 12،2 كم جىلۋمەن جابدىقتاۋ جەلىلەرىن رەكونسترۋكسيالاۋ بويىنشا 30 جوبانىڭ ىسكە اسىرىلۋى باستالادى. بۇل جوبالاردىڭ جالپى قۇنى 6،4 ملرد تەڭگەنى قۇرايدى. جوبالاردىڭ تولىق اياقتالۋ مەرزىمى 2025 جىلدىڭ كۇز ايىنا جوسپارلانعان. بۇل جۇمىستار جىلىتۋ جۇيەلەرىنىڭ تيىمدىلىگىن ارتتىرىپ، قالا تۇرعىندارىنىڭ جىلىتۋ ماۋسىمىندا تۇراقتى جانە ساپالى قىزمەت الۋىن قامتاماسىز ەتەدى.
ينجەنەرلىك جەلىلەردى مودەرنيزاسيالاۋ جۇمىستارىن جالعاستىرۋ، اسىرەسە سۋ، كارىز جانە جىلۋ جۇيەلەرىن جاڭارتۋ، المالى اۋدانىنداعى تۇرعىنداردىڭ ءومىر ءسۇرۋ ساپاسىن جاقسارتۋ ءۇشىن ماڭىزدى قادام بولىپ تابىلادى. بۇل جوبالار اۋداننىڭ ينفراقۇرىلىمىن نىعايتىپ، بولاشاقتا الەۋمەتتىك جانە ەكونوميكالىق دامۋدىڭ نەگىزىن قالاۋعا مۇمكىندىك بەرەدى.