الماتى قالالىق موبيلدىلىك باسقارماسىنىڭ مالىمەتىنشە، بيىل قالادا شامامەن 300 كم جولعا، 30 كم جاياۋ جۇرگىنشىلەر جولىنا ورتاشا جوندەۋ جۇرگىزۋ، سونداي-اق 35 كم جاڭا جول سالۋ جوسپارلانعان، دەپ حابارلايدى aqshamnews.kz
جاس قانات، شۇعىلا، المەرەك، اقجار، راحات، مادەنيەت جانە بورالداي شاعىن اۋدانى سىندى قالاعا قوسىلعان اۋماقتاردا جاڭا جول سالۋ 70 مىڭنان استام تۇرعىنعا كولىك قاتىناسىن ەداۋىر جاقسارتۋعا مۇمكىندىك بەرەدى.
بۇل جۇمىستار قالاداعى ساپالى جولداردىڭ ۇلەسىن 2024 جىلى 92%-دان 2025 جىلى 95%-عا دەيىن ارتتىرۋعا سەپتىگىن تيگىزەدى.
ەسكە سالايىق، بىلتىر الماتىدا ۇزىندىعى 250 كم بولاتىن 255 كوشە جوندەلىپ، 25 كم جاڭا جول سالىندى، قۇلجا تاس جولى 6 جولاققا دەيىن كەڭەيتىلىپ، ساين – موڭكە بي جولايىرىعىندا قوزعالىس اشىلعان بولاتىن.