الماتى قالالىق موبيلدىلىك باسقارماسىنىڭ مالىمەتىنشە، بيىل قالادا سەيفۋللين داڭعىلى مەن جانسۇگىروۆ كوشەسىنىڭ قيىلىسىنداعى جولايىرىقتىڭ قۇرىلىسى، سونداي-اق ساين كوشەسىن رىسقۇلوۆ داڭعىلىنان اقىن سارا كوشەسىنە دەيىن جانە اباي داڭعىلىن قالانىڭ شەكاراسىنا دەيىن ۇزارتۋ جۇمىستارى اياقتالادى، دەپ حابارلايدى aqshamnews.kz
مامىر ايىندا اباي داڭعىلىن ب.مومىش ۇلى كوشەسىنەن قالانىڭ شەكاراسىنا دەيىن ۇزارتۋ جوباسى ىسكە قوسىلادى. ۇزىندىعى 5،3 كم بولاتىن بۇل التى جولاقتى جولدىڭ ەكى جاعىندا دا ۆەلوجولدار مەن جاياۋ جۇرگىنشىلەر جولدارى قاراستىرىلعان.
جازدا ساين كوشەسىن رىسقۇلوۆ داڭعىلىنان اقىن سارا كوشەسىنە دەيىن ۇزارتۋ جۇمىستارى اياقتالادى. ۇزىندىعى 3،2 كم بولاتىن بۇل جولدىڭ ارقاسىندا مومىش ۇلى كوشەسىندەگى كولىك جۇكتەمەسى 40%-عا تومەندەيدى.
ماۋسىم ايىندا جانسۇگىروۆ كوشەسى مەن سەيفۋللين داڭعىلىنىڭ قيىلىسىنداعى جولايىرىقتىڭ قۇرىلىسىن جانە وعان ىرگەلەس اۋماقتى كوركەيتۋ جۇمىستارىن تولىق اياقتاۋ جوسپارلانىپ وتىر.