امەريكالىق كومپانيا ءوزى سالعالى جاتقان عارىشتاعى ءقوناقۇي جايلى جاڭا دەرەكتەردى جاريالادى.
كاليفورنيالىق The Gateway Foundation كومپانياسى تانىستىرعان فۋتۋريستىك كونسەپسيا بىرنەشە مودۋلدەن تۇرادى، ولار ءوزارا ليفتتەر شاحتاسىمەن بايلانىسقان، ولار ءبارى جينالىپ كەپ جەردىڭ اينالاسىنا شەڭبەردى تۇزەدى، دەپ حابارلايدى Almaty-akshamy.kz
قازىرگى تاڭدا بۇل جوبا Orbital Assembly Corporation قۇرىلىس كومپانياسىنىڭ باقىلاۋىندا جاتىر. كومپانيا عارىش تۋريستەرىنىڭ ورنالاسۋىنا ارنالعان ءبىر ەمەس، ەكى ستانسا سالۋدى جوسپارلاپ وتىر: ونىڭ ءبىرىنشىسى – 400 ادامعا ارنالعان Voyager ستانساسى 2027 جىلعا قاراي اشىلسا، 28 ادامعا ارنالعان ەكىنشى Pioneer ستانساسى نەبارى ءۇش جىلدان كەيىن پايدالانۋعا بەرىلۋى مۇمكىن.
جوبانىڭ باستى ماقساتى – كەڭسەلەر مەن تۋريستىك ايماقتارى بار عارىشتىق «بيزنەس-پارك» سالۋ. بۇل كەڭىستىكتەر جالعا بەرىلەتىندىكتەن، قوسىمشا تابىس كوزىنە دە اينالۋى مۇمكىن.
ەكى ستانسانىڭ دا ينتەرەرى جەر بەتىندەگى ءزاۋلىم قوناقۇيلەردەن اۋمايدى.