قۇرىلىس، ونەركاسىپ جانە قىزمەت كورسەتۋ جانە IT-يندۋستريا سالاسىنداعى مامانداردىڭ ۇلكەن تاپشىلىعى بايقالادى.
سوندىقتان اعىمداعى جىلى تجكب سالاسىنداعى مەملەكەتتىك تاپسىرىس 16 500 ورىنعا دەيىن كەڭەيتىلدى، وعان جەرگىلىكتى بيۋدجەتتەن 7،8 ملرد. تەڭگە ءبولىنىپ، ستۋدەنتتەر جاڭا ماماندىقتارعا يە بولدى، دەپ حابارلايدى Almaty-akshamy.kz
الماتى اكىمى ەربولات دوسايەۆ ءبىلىم بەرۋ قىزمەتكەرلەرىنىڭ قاتىسۋىمەن وتكەن تامىز كونفەرەنسياسىندا تەحنيكالىق جانە كاسىپتىك ءبىلىم بەرۋ جۇيەسىن دامىتۋ قالا ءۇشىن ماڭىزدى باسىمدىق بولىپ تابىلاتىنىن اتاپ ءوتتى.
"2023 جىلى ءبىز قالالىق تالىمگەرلىك باعدارلاماسىن ەنگىزۋ ارقىلى دۋالدى ءبىلىم بەرۋ مەحانيزمىن قايتا فورماتتادىق. ستۋدەنتتەردىڭ تاجىريبە الۋ ماقساتىندا اكىمدىك ءتۇرلى وندىرىستەردىڭ تاجىريبەلى شەبەرلەرىنىڭ ەڭبەگىنە اقى تولەۋدى قارجىلاندىرۋدى ۇلعايتتى، بۇل قۇزىرەتتەر مەن ءبىلىمدى بەرۋ ءۇشىن پەداگوگتەردىڭ ىنتالاندىرۋلارىن ارتتىراتىنى ءسوزسىز. سونداي - اق، تجكب دامىتۋ ءۇشىن ءبىز 2025 جىلعا دەيىن وسى كوللەدجدەردىڭ ءارقايسىسى ءۇشىن جاتاقحانالارى بار 1 440 ورىندىق جاڭا ستاندارتتى 2 مەملەكەتتىك كوللەدج سالۋدى جوسپارلاپ وتىرمىز"، - دەدى قالا باسشىسى.