ۇكىمەت وتىرىسىندا مادەنيەت جانە اقپارات ءمينيسترى ايدا بالايەۆا ەكومادەنيەت سالاسىنداعى ناتيجەلەر تۋرالى ايتىپ بەردى. ونىڭ ايتۋىنشا، جۇمىس – اقپاراتتىق، ۇيىمداستىرۋشىلىق جانە ەكولوگيالىق باقىلاۋ باعىتىندا ۇيىمداستىرىلعان، دەپ حابارلايدى aqshamnews.kz
90 مىڭنان استام ەكوۆولونتەر تاريحي-مادەني نىسانداردى تازارتۋعا باعىتتالعان «كيەلى مەكەن» باستاماسىن قوسا العاندا، 15 مىڭ ءىس-شاراعا قاتىستى، ونىڭ شەڭبەرىندە 717 ەسكەرتكىش ورىن قايتا جاڭارتىلدى. ەكوباقىلاۋ سالاسىندا 3 مىڭ ادامدى قامتىعان 300 نىسانعا قوعامدىق مونيتورينگ جۇرگىزىلدى. 600 قوعامدىق ۇيىم، ەكوبلوگەرلەر مەن ەرىكتىلەر تازارتۋ جانە كوگالداندىرۋ جۇمىستارىنا بەلسەندى قاتىستى.
ايدا بالايەۆا اتاپ وتكەندەي، «تازا قازاقستان» ءجاي عانا قوعامدىق اكسيا ەمەس، بۇگىندە تۇتاس ۇلتتىڭ جۇيەلى يدەولوگيالىق ۇستانىمى بولۋى كەرەك. بۇل تۋرالى پرەزيدەنت «Ana tili» باسىلىمىنا بەرگەن سۇحباتىندا توقتالىپ، ەكولوگيالىق تازالىقتىڭ ەلىمىز ءۇشىن ەڭ جوعارى قۇندىلىق رەتىندەگى ماڭىزىن اتاپ كورسەتتى.