قۇجاتتا حالىق قوعامدىق ءتارتىپتى باقىلاۋعا ءوز ەركىمەن اتسالىسا الاتىنى جازىلعان.
ىشكى ىستەر مينيسترلىگى «قۇقىق بۇزۋ پروفيلاكتيكاسى تۋرالى» زاڭ جوباسىن دايىندادى، دەپ حابارلايدى aqshamnews.kz
بەلسەندى ازامات ىنتالاندىرۋ رەتىندە ماقتاۋ گراموتاسىن، اقشالاي سىيلىق جانە ت. ب. العىس الادى. كىم، قانداي سىيلىق الاتىنىن قىلمىستىڭ الدىن الۋ جونىندەگى كوميسسيا شەشەدى.
جول ەرەجەسىن بۇزعان جۇرگىزۋشى تۋرالى ۆيدەوجازبانى جىبەرگەن ازامات «ەرەجە بۇزعان ادامنان وندىرىلگەن ايىپپۇل سوماسىنان اقشالاي سىياقى الادى نەمەسە جەرگىلىكتى اتقارۋشى ورگان شەشىمى بويىنشا جەڭىلدىككە (قوعامدىق كولىكتە تەگىن ءجۇرۋ، ماشيناسىن اۆتوتۇراققا تەگىن قويۋ جانە ت. ب.) يە بولادى». ەرىكتى ازامات العان سىياقىسىن قايىرىمدىلىق ۇيىمدارىنا اۋدارا الادى.
زاڭ جوباسىندا ۆيدەو اۆتورىنا ايىپپۇلدىڭ قانشا پايىزى بەرىلەتىنى ناقتى جازىلماعان. ەرەجە بۇزعان ادام جۇرگىزۋشى كۋالىگىنەن ايىرىلسا نەمەسە قامالسا، پوليسياعا بەينەجازبا جىبەرگەن كۋاگەر قانداي سىي الاتىنى بەلگىسىز. ماشيناسىن تۇراققا تەگىن قويا ما؟ ەرىكتىنىڭ ماشيناسى بولماسا شە؟ اۆتوبۋسپەن تەگىن جۇرە مە؟
زاڭ جوباسىندا «ەرەجە بۇزىلعان ءساتتى بىرنەشە ادام بەينەجازباعا تۇسىرسە، ۆيدەونى ءبىرىنشى بولىپ جىبەرگەن كىسى سىياقى الادى» دەپ جازىلعان. ياعني، جىلدامدىق ماڭىزدى.