ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى ءاقمادي سارباسوۆ ورتالىق كوممۋنيكاسيالار قىزمەتىندە ازاماتتارعا مەملەكەتتىك قولداۋ شارالارىن كورسەتۋدىڭ جاڭا ءتاسىلى تۋرالى ايتتى، دەپ حابارلايدى Almaty-akshamy.kz.
«2025 جىلدان باستاپ اتاۋلى الەۋمەتتىك كومەك بەرۋ ءۇشىن كەدەيلىك شەگى بۇگىنگى كۇنكورىس دەڭگەيى ارقىلى ەمەس، مەدياندىق تابىس دەڭگەيى ارقىلى انىقتالاتىن بولادى»، - دەدى ول.
سونىمەن قاتار، سارباسوۆ 1 شىلدەدەن باستاپ ق ر الەۋمەتتىك كودەكسىندە كوزدەلگەن شارالار حالىقارالىق تاجىريبەدەن الىنعانىن ايتتى.
«ءبىز ەكونوميكالىق ىنتىماقتاستىق جانە دامۋ ۇيىمى ەلدەرىنىڭ تاجىريبەسىن زەرتتەدىك. بۇگىندە اقش-تاعى كەدەيلىك شەگى مەديانالىق كىرىستىڭ 40 پايىزىنا، كانادادا - 50، شۆەسيا، نورۆەگيا، دانيا، اۆستريا، گەرمانيا جانە فرانسيادا 60 پايىزىنا پارا-پار. ءبىز دە وسى تاجىريبەنى ەنگىزۋدى كوزدەپ وتىرمىز»، - دەدى ول.
بۇل رەتتە الەۋمەتتىك كودەكستە بالالارى بار وتباسىلارعا الەۋمەتتىك قولداۋدىڭ قوسىمشا شارالارى كوزدەلگەن: بالا كۇتىمىنە بايلانىستى تولەمدەر مەرزىمىن 1،5 جاسقا دەيىن ۇزارتۋ جانە اتاۋلى الەۋمەتتىك كومەك الۋشىلار قاتارىنان 1 جاستان 6 جاسقا دەيىنگى بالالارعا ارنالعان ناتۋرالدى پاكەتتى مونەتيزاسيالاۋ؛ «التىن» نەمەسە «كۇمىس القامەن» ناگرادتالعان انالار دەگەن جاڭا ستاتۋس بەرۋ، 7 جانە ودان دا كوپ بالا تاپقان ايەلدەرگە جاردەماقىنى ءوسىرۋ.