6 شىلدە – ەلوردا كۇنىنە وراي 100-دەن استام مادەني، سپورتتىق جانە تانىمدىق ءىس-شارا وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ماۋسىم-شىلدە ايلارى ارالىعىندا قالا كۇنىن مەرەكەلەۋگە استانا قالاسى مادەنيەت باسقارماسىنا قاراستى 12 مەكەمەنىڭ كۇشىمەن 100-دەن استام ءىس-شارا جوسپارلانىپ وتىر. بۇگىندە ونىڭ كەيبىرى باستالىپ تا كەتتى»، - دەدى استانا قالاسى ىشكى ساياسات باسقارماسىنىڭ باسشىسى داۋرەن بابامۇراتوۆ قالالىق كوممۋنيكاسيالار قىزمەتى الاڭىندا وتكەن بريفينگتە.
ەلوردا كۇنىنە وراي وتەتىن ءىس-شارالار:
30 ماۋسىم «جاستار» تەاترىندا «تاپتىم. عاشىق بولدىم. جوعالتتىم» ميۋزيكلى جانە 1-2 شىلدە مۋزىكالىق جاس كورەرمەن تەاترىنىڭ حالىقتىڭ ىستىق ىقىلاسىنا بولەنگەن «گاۋھارتاس» مۋزىكالىق دراماسى قويىلادى.
1 شىلدە امفيتەاتردا «ايالاعان استانا» ونەرلى جاس انشىلەردى تاربيەلەۋگە ارنالعان مۋزىكالىق بايقاۋدىڭ گالا-كونسەرتى.
2 شىلدە دومبىرا كۇنى. ەكسپو الاڭىندا كوپشىلىككە «دومبىرا داستان» شوۋ-كونسەرتى ۇسىنىلادى.
2 جانە 3 شىلدەدە «قالامگەرلەر» اللەياسى مەن №5 بالالار كىتاپحاناسىندا قازاقستان جازۋشىلار وداعىمەن بىرگە «استانا – شابىت ارقاۋى» اقىن-جازۋشىلارمەن كەزدەسۋلەر سيكلى وتەدى.
3 شىلدە بەيبىتشىلىك جانە كەلىسىم سارايىندا «التىن مۇرا» قازاقستاننىڭ ەڭ ۇزدىك ءداستۇرلى ءانشى، كۇيشى، جىرشىلارىنىڭ مەرەكەلىك كونسەرتى وتەدى.
4 شىلدە «استانا» كونسەرت زالىندا «ءازىل الەمى» مۋزىكالىق ءازىل-ىسقاق كەشى وتەدى.
4 شىلدە «جاستار» سارايىندا استانا قالاسى مادەنيەت باسقارماسىنا قاراستى «ناز» مەملەكەتتىك بي تەاترىنىڭ «قازاق جادىگەرلەرى» كونسەرتتىك باعدارلاماسى ۇسىنىلادى.
5 شىلدە امفيتەاتردا حالىق اراسىندا تانىمال ءارتۇرلى اسپاپتا ورىنداۋشىلاردىڭ «ەلوردا اۋەنى» شوۋ-كونسەرتى وتەدى.
5-6 شىلدە ەكسپو الاڭىندا بالالار مەن ەرەسەكتەرگە ارنالعان «گۇل استانا» ەكو فەستيۆالى وتەدى.
5-6 شىلدە «گۇل شاحارى – استانا» رەسپۋبليكالىق سۋرەتشىلەر پلەنەرى جوسپارلانعان.
5-6 شىلدە ءازىربايجان مامبەتوۆ اتىنداعى مەملەكەتتىك دراما جانە كومەديا تەاترىندا «بولماعان بالالىق شاق» دراماسى ۇسىنىلادى.
5، 6، 8 شىلدە مۋزىكالىق جاس كورەرمەن تەاترى «قىز-جىبەك» ەتنو-فولكلورلىق ميۋزيكلى پرەمەراسىن ۇسىنادى.
6 شىلدە قالانىڭ شەت ايماعىنداعى تۇرعىن ءۇي الاپتارىندا «دۋماندى استانا» كونسەرتتەرى وتەدى.
6 شىلدە ەكسپو الاڭىندا OPEN AIR اشىق اسپان استىنداعى مەرەكەلىك كونسەرت وتەدى.
6-8 شىلدە ورتالىق ساياباقتا وتباسىلىق دەمالىسقا ارنالعان MEREKE STREET فەستيۆالى وتەدى.
7 شىلدە «KITAP FEST» رەسپۋبليكالىق كىتاپ كورمەسى.
8-9 شىلدە كوشە تاعامدارىنىڭ فەستيۆالى وتەدى.