الماتى قالاسىنىڭ بيۋدجەتى ايتارلىقتاي ءوسىمدى كورسەتتى.
وسى جىلدىڭ 11 ايىندا مەملەكەتتىك بيۋدجەتكە تۇسىمدەر 4،9 ترلن. قۇرادى. ال ءوسىم 34،5%، ونىڭ ىشىندە رەسپۋبليكالىق بيۋدجەتكە تۇسكەنى 35،4% - عا جانە جەرگىلىكتى بيۋدجەتكە تۇسكەنى 32% - عا كوتەرىلگەن. بۇل تۋرالى الماتى اكىمى ەربولات دوسايەۆ وكق بريفينگىندە مالىمدەدى، دەپ حابارلايدى اlmaty-akshamy.kz.
«8 جەلتوقساندا ءماسليحات الماتى قالاسىنىڭ 2024-2026 جىلدارعا ارنالعان بيۋدجەتىن بەكىتتى، ول مەملەكەت باسشىسىنىڭ قالانى ورتا مەرزىمدى دامىتۋدىڭ نەگىزگى باعىتتارى بويىنشا تاپسىرمالارىن ىسكە اسىرۋعا باعىتتالعان. الماتىنىڭ 2024 جىلعا ارنالعان بيۋدجەتى 1 ترلن 624 ملرد. تەڭگەنى قۇرايدى، بۇل 2022 جىلدىڭ باسىمەن سالىستىرعاندا 51،8% - عا نەمەسە 553،4 ملرد.تەڭگەگە ارتىق»، - دەپ اتاپ ءوتتى ول.
بۇل رەتتە، شاعىن بيزنەستى قارجىلاندىرۋ 26% - عا، ياعني 726 ملرد. تەڭگەگە دەيىن ۇلعايتا وتىرىپ، الەۋمەتتىك باعدارلانۋ ساقتالادى. بۇل بيۋدجەت شىعىستارىنىڭ شامامەن 45% - ىن قۇرايدى.