2023 جىلدىڭ 9 ايىندا الماتىدا تۋريستەر سانى 17،4%-عا ءوسىپ،1،5 ملن. ادامنان استى. سونىڭ ىشىندە شەتەلدىك تۋريستەر – 1،5 ەسە. 2023 جىلدىڭ سوڭىنا دەيىن تۋريستەردىڭ سانى 2 ملن.ادامعا دەيىن ارتادى دەپ كۇتىلۋدە. بۇل دەرەكتەردى الماتى اكىمى ەربولات دوسايەۆ استانادا وتكەن وكق بريفينگىندە ايتتى.
«الماتى ەكونوميكاسىن ودان ءارى ءارتاراپتاندىرۋ ءۇشىن ءتۋريزمدى دامىتۋ ۇلكەن ءرول اتقارادى. بۇل رەتتە مەملەكەت باسشىسىنىڭ تاپسىرماسىن ورىنداۋ ءۇشىن الماتى اگلومەراسياسى شەڭبەرىندە تۋرگەننەن قاسكەلەڭگە دەيىنگى تاۋ كلاستەرىن دامىتۋدىڭ نەگىزگى تاسىلدەرى ايقىندالدى. تۋريستەردىڭ قىزىعۋشىلىعىن وياتۋ ءۇشىن 6 ورىن مەن تارتىمدى جەردى قوسۋ كوزدەلەدى. بۇل قاسكەلەڭ مەن تۇرگەن شاتقالدارى، ۇلكەن الماتى كولى، مەدەۋ-شىمبۇلاق، تالعار-ەسىك، اق-بۇلاق»، - دەپ جوسپارلارىمەن ءبولىستى ەربولات دوسايەۆ.