ويىندى 26 شىلدە مەن 11 تامىز ارالىعىندا وتكىزۋ جوسپارلانىپ جاتىر
2024 جىلى پاريجدە وتەتىن جازعى وليمپيادا جانە پاراليمپيادا ۇيىمداستىرۋشىلارى ويىن ۇرانىن جاريالادى، دەپ حابارلايدى Almaty-akshamy.kz Tengrinews.kz-كە سىلتەمە جاساپ.
وليمپيادا ويىندارىنىڭ رەسمي سايتىندا بايقاۋدىڭ ۇرانى "Games Wide Open" (كەڭىنەن اشىق ويىندار، Ouvrons grand les jeux) فرازاسى بولاتىنى جازىلعان.
پاريجدەگى 2024 جىلعى وليمپيادا ۇيىمداستىرۋ كوميتەتىنىڭ ءتوراعاسى توني ەستانگە بۇل ۇراندى ۇيىمداستىرۋ كوميتەتى ءتۇرلى ءىس-شارالار مەن باستامالار ارقىلى ويىندى جاڭا ءارى قىزىقتى ەتۋگە ۇمتىلاتىنىن ايتتى.
«بۇل بۇكىل الەمگە جاڭا ەموسيالاردى بولىسۋگە شاقىرتۋ. ءبىزدىڭ ويىندار - جاڭا اسەر مەن سەزىم. جاڭا ءتارتىپ، پاريج ورتالىعىنداعى اشىق جارىستار، سەناداعى ەرەكشە اشىلۋ سالتاناتى، كەز كەلگەن ادامعا سپورتشى رەتىندە وليمپياداعا قاتىسۋ ءۇشىن مارافون»، - دەلىنگەن حابارلامادا.
فرانسيا استاناسى جازعى وليمپيادا ويىندارىن ەل تاريحىندا ءۇشىنشى رەت وتكىزەدى. 2024 جىلعى جارىستار 1924 جىلى پاريجدەگى سوڭعى ويىنداردىڭ ءجۇز جىلدىعىنا ارنالعان.
ويىندى 26 شىلدە مەن 11 تامىز ارالىعىندا وتكىزۋ جوسپارلانىپ جاتىر. سپورتشىلار جالپى 32 سپورت تۇرىنەن، سونىڭ ىشىندە وليمپيادا ويىندارىندا دەبيۋت جاسايتىن برەيكينگتەن جارىسادى. پاراليمپيادا فرانسيا استاناسىندا 2024 جىلعى 28 تامىزىنان 8 قىركۇيەگىنە دەيىن وتەدى.