كورسەتكىش وتكەن جىلمەن سالىستىرعاندا 48% ارتتى
1 شىلدەدەگى كورسەتكىش بويىنشا، ءبىرىڭعاي جيناقتاۋشى زەينەتاقى قورىنىڭ سالىمشىلارى 13،4 ترلن تەڭگە جيناعان. بۇل تۋرالى Almaty-akshamy.kz قوردىڭ رەسمي سايتىنا سىلتەمە جاساپ حابارلايدى.
«2022 جىلدىڭ 1 شىلدەسىندەگى جاعداي بويىنشا، ءبىرىڭعاي جيناقتاۋشى زەينەتاقى قورى سالىمشىلارىنىڭ شوتتارىندا 13،4 ترلن تەڭگە زەينەتاقى جيناقتارى قالىپتاسىپ، بىلتىرعىمەن سالىستىرعاندا ءوسىم 616 ملرد تەڭگەنى قۇرادى. زەينەتاقى جيناقتارىنىڭ نەگىزگى بولىگى مىندەتتى زەينەتاقى جارنالارى ەسەبىنەن تۇسكەن – 13 ترلن تەڭگە بولدى. مىندەتتى كاسىپتىك زەينەتاقى جارنالارى بويىنشا زەينەتاقى جيناقتارى 2021 جىلدىڭ 1 شىلدەسىنەن بەرى 19% كوبەيىپ، 394،3 ملرد تەڭگەگە، ەرىكتى زەينەتاقى جارنالارىنىڭ كولەمى شامامەن 2،7 ملرد تەڭگەگە جەتتى. بۇل رەتتە ەرىكتى زەينەتاقى جيناقتارى بويىنشا كورسەتكىش وتكەن جىلمەن سالىستىرعاندا 48% ارتتى»، - دەپ جازىلعان رەسمي مالىمەتتە.
قوردىڭ دەرەگىنەن سەنسەك، سالىمشىلاردىڭ 2021 جىلدىڭ 1 شىلدەسىنەن بەرگى تازا ينۆەستيسيالىق كىرىسى 338 ملرد تەڭگەدەن اسقان.
«جىل باسىنان بەرى بجزق ءوز سالىمشىلارىنا 984،2 ملرد تەڭگە تولەدى. ونىڭ باسىم بولىگى تۇرعىن ءۇي جاعدايىن جاقسارتۋ جانە ەمدەلۋ ماقساتتارىنا ارنالعان ءبىرجولعى زەينەتاقى تولەمدەرى – 849،4 ملرد تەڭگە»، - دەلىنگەن قوردىڭ مالىمەتىندە.