ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باستاماسىمەن وتكەن جىلى ەرەكشە قاجەتتىلىكتەرى بار ادامدارعا ينۆاتاكسي قىزمەتىن كورسەتۋ كەزىندە تاكسي اگرەگاتورلارىن پايدالانۋ جونىندەگى پيلوتتىق جوبا باستالدى.
2024 جىلعى 1 قاراشاداعى جاعداي بويىنشا استانا مەن الماتى قالالارىندا اتالعان قىزمەت 157،9 مىڭ رەت كورسەتىلدى، دەپ حابارلايدى aqshamnews.kz.
2023 جىلدىڭ قورىتىندىسى بويىنشا مۇگەدەكتىگى بار ادامدارعا ينۆاتاكسي قىزمەتى 53،9 مىڭ رەت كورسەتىلگەنىن ەستەرىڭىزگە سالامىز.
بۇدان بۇرىن حابارلاعانداي، ينۆاتاكسي قىزمەتىنىڭ ساپاسى مەن كورسەتۋ جىلدامدىعىن ارتتىرۋ ماقساتىندا ەڭبەكمينى اكىمدىكتەرمەن بىرلەسىپ وسى قىزمەتتىڭ تەتىگىنە وزگەرتۋ ەنگىزۋ تۋرالى شەشىم قابىلدادى. مىسالى، ازاماتتارعا قىزمەت الۋدان ءبىر كۇن بۇرىن تەلەفون ارقىلى جازىلۋ قاجەت، بۇل ءوز ساپارلارىن الدىن الا جوسپارلاۋعا، ينۆاتاكسي بەرۋدى كۇتۋگە ءماجبۇر ەتەدى، ينۆاتاكسي قىزمەتتەرىن ۇسىنۋ ءۇشىن كولىك قۇرالدارىنىڭ جەتىسپەۋشىلىگى جانە ت. ب. ماسەلەلەر بار.
شارتتاردى جەڭىلدەتۋ ءۇشىن وسى قىزمەتتى كورسەتۋگە قاتىسۋعا ءتيىستى سۇرانىس العان تاكسي اگرەگاتورلارىن تارتۋ بويىنشا پيلوتتىق جوباعا باستاما جاسالدى.
مۇنداعى باستى شارت ساپارلاردىڭ اقىسىنان پايىزدىڭ بولماۋى، ولار ادەتتە اگرەگاتور پلاتفورمالارىنىڭ پايداسىنا اۋدارىلاتىن. ياندەكس كومپانياسى پيلوتتىق جوباعا وتەۋسىز نەگىزدە قاتىسۋعا نيەت ءبىلدىردى.
پيلوتتىق جوبا شەڭبەرىندە ازاماتتار ياندەكس Go ءموبيلدى قوسىمشاسى ارقىلى ينۆاتاكسي قىزمەتىن قولدانا الادى. بۇل قىزمەتتى الۋشى ءۇشىن كولىكتى تەزىرەك تاڭداۋعا، ونلاين رەجيمىندە تاپسىرىس مارتەبەسىن قاداعالاۋعا جانە جاسالعان ساپارلارعا مونيتورينگ جۇزەگە اسىرۋعا مۇمكىندىك بەرەدى. اتالعان قوسىمشادا مۇگەدەكتىگى بار ادامدار جۇرگىزۋشىگە ساپارداعى ەرەكشە قاجەتتىلىكتەرى تۋرالى ەسكەرتۋى ءۇشىن ارنايى مۇمكىندىكتەر ەكرانى ىسكە قوسىلدى. ءوز كەزەگىندە، جۇرگىزۋشىلەر ادامدى كولىككە وتىرعىزۋ جانە ودان تۇسۋدە قالاي كومەك كورسەتۋگە بولاتىن سەكىلدى ارنايى نۇسقاۋلار الادى.
پيلوتتىق جوباعا العاشقى كەزەڭدە استانا جانە الماتى قالالارىنان مۇگەدەكتىگى بار ادامداردىڭ فوكۋس-توبى قاتىسادى.
جوبا 2024 جىلى دا جالعاسۋدا، بولاشاقتا جاڭا فورماتتا قىزمەت كورسەتۋدى مۇگەدەكتىگى بار ادامداردىڭ باسقا توپتارىنا كەڭەيتۋ جانە ەلدىڭ بارلىق وڭىرلەرىندە ماسشتابتاۋ جوسپارلانۋدا.