QS Asia University Rankings 2025 رەيتينگىنە قازاقستاننىڭ 35 جوعارى وقۋ ورنى كىردى، ونىڭ 13ء-ى الماتىدان.
QS اگەنتتىگىنىڭ وكىلدەرىنىڭ ايتۋىنشا، قازاقستان جوعارى وقۋ ورىندارى جاقسى سەرپىن كورسەتىپ، وتكەن جىلمەن سالىستىرعاندا 60 پايىزدان استام كورسەتكىشكە جاقسارتقان.
مىسالى، 22 قازاقستاندىق جوعارى وقۋ ورنى ءوز پوزيسياسىن جوعارىلاتتى، ءۇش جوو ءوز پوزيسياسىن ساقتاپ قالدى. ءال-فارابي اتىنداعى قازاق ۇلتتىق ۋنيۆەرسيتەتى رەيتينگتىڭ العاشقى 100-ىنە ەندى. سونداي-اق، Satbayev University 89-شى ورىندى يەلەنىپ، توپ-100 قاتارىنا كىردى.
ءبىر جىلدىق ۇزىلىستەن كەيىن قازاق ۇلتتىق قىزدار پەداگوگيكالىق ۋنيۆەرسيتەتى رەيتينگكە قايتا ورالىپ، 801-850 ساناتىنا ەندى.
ايتا كەتەيىك، ازيانىڭ ۇزدىك جوعارى وقۋ ورىندارىنىڭ رەيتينگىنە 25 ەل مەن اۋماقتان 985 جوعارى وقۋ ورنى قاتىستى. قازاقستاندىق جوعارى وقۋ ورىندارى ءۇشىن ەڭ ۇلكەن باسەكەلەستىك ءۇندىستان، جۇڭگو، جاپونيا جانە وڭتۇستىك كورەيانىڭ جوعارى وقۋ ورىندارى بولدى.
بۇل رەيتينگتى الەمدەگى ەڭ بەدەلدى اگەنتتىكتەردىڭ ءبىرى QS Quacquarelli Symonds ازىرلەيدى، ول ۋنيۆەرسيتەتتەردى اكادەميالىق بەدەل، جۇمىس بەرۋشىلەردىڭ بەدەلى، وقىتۋشىلار مەن ستۋدەنتتەر سانىنىڭ اراقاتىناسى، عىلىمي جاريالانىمدار جانە حالىقارالىق زەرتتەۋلەرگە قاتىسۋ سياقتى كريتەرييلەر بويىنشا باعالايدى.
الماتىنىڭ 13 ۋنيۆەرسيتەتى مەن ولاردىڭ QS Asia University Rankings 2025 رەيتينگىندەگى ورىندارى:
1. ءال-فارابي اتىنداعى قازاق ۇلتتىق ۋنيۆەرسيتەتى – 29-ورىن.
2. Satbayev University – 89-ورىن.
3. اباي اتىنداعى قازاق ۇلتتىق پەداگوگيكالىق ۋنيۆەرسيتەتى – 131-ورىن.
4. قازاق ۇلتتىق اگرارلىق زەرتتەۋ ۋنيۆەرسيتەتى – 149-ورىن.
5. قازاقستان-بريتان تەحنيكالىق ۋنيۆەرسيتەتى – 230-ورىن.
6. كيمەپ ۋنيۆەرسيتەتى – 269-ورىن.
7. ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى – 305-ورىن.
8. Narxoz University – 345-ورىن.
9. س.د. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتى – 345-ورىن.
10. الماتى تەحنولوگيالىق ۋنيۆەرسيتەتى – 354-ورىن.
11. حالىقارالىق اقپاراتتىق تەحنولوگيالار ۋنيۆەرسيتەتى – 751-800-ورىن.
12. «تۇران» ۋنيۆەرسيتەتى – 751-800-ورىن.
13. قازاق ۇلتتىق قىزدار پەداگوگيكالىق ۋنيۆەرسيتەتى – 801-850-ورىن.