ەسكى شامداردى جاڭاسىنا اۋىستىرۋ جانە ىستەن شىققان شامداردى جوندەۋ جوسپارلانعان.
جارىقتاندىرۋ سالاسىنداعى جۇمىس كولەمى 2،5 ەسەگە ۇلعايدى، 2023 جىلى 12700 جارىق نۇكتەسى قالپىنا كەلتىرىلدى، دەپ حابارلايدى Almaty-akshamy.kz
بۇل تۋرالى «الماتى قالا جارىق» مكك حابارلادى. 2024 جىلدىڭ باسىنان باستاپ رىسقۇلوۆ-كۇدەرين، حاليۋللين-شااج، سايىن-رىسقۇلوۆ كوشەلەرىندەگى جولايىرىق مەن تۋننەلدەگى جارىقتاندىرۋ قالپىنا كەلتىرىلدى. اتالعان ۋچاسكەلەردە بارلىعى 45 شام اۋىستىرىلدى. بىلتىر مەگاپوليستە بارلىعى 6،5 مىڭ جارىق نۇكتەسى اۋىستىرىلدى.
قالادا سىرتقى جارىقتاندىرۋدى قالپىنا كەلتىرۋ جالعاسىپ جاتىر. كۇن سايىن الماتى قالاسىنىڭ 8 اۋدانىنا 25-تەن 31-گە دەيىن تەحنيكا جانە اۋىسىم بويىنشا 90-نان استام مامان قىزمەت كورسەتەدى. بۇل جۇمىسقا قوسىمشا 10 گيدراۆليكالىق كوتەرگىش تارتىلدى. ءقازىر مۇنداي 30-دان استام اۆتومۇنارا بار.
2024 جىلدىڭ باسىنان باستاپ «الماتى قالا جارىق» مكك ديسپەچەرلىك پۋنكتى الماتى قالاسىنىڭ تۇرعىندارىنان بارلىعى 2600-دەن استام ءوتىنىمدى پىسىقتادى.