عالىمدار مۇحيت تۇڭعيىعىنان گەوتەرمالدى رەسۋرستىڭ مول قاينارىن تاپتى

مۇحيت تۇبىندە جاسىرىنعان جەر جارىعىنان ەنەرگەتيكالىق قۋات كوزى قورشاعان ورتاعا زيانى جوق ەنەرگيا كوزىنە اينالادى.

بۇل جايىندا Islam.kz پورتالى New Atlas اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.

جىلدان جىلعا قارقىن الىپ كەلە جاتقان جاھاندىق جىلىنۋعا بايلانىستى قالىپتاسقان كليمات داعدارىسىنىڭ ودان ارى تەرەڭدەۋىنە جول بەرمەيتىن بالامالى ەنەرگيا كوزدەرىنىڭ اراسىندا گەوتەرمالدى ەنەرگيا ۇلەسى الەم بويىنشا وسى ۋاقىتقا دەيىن بار-جوعى 1%-دان اسپايتىن ەدى.

CGG كونسالتينگتىك كومپانياسى بۇل تاراپتا ارنايى زەرتتەۋ جۇرگىزە كەلە مۇحيت تۇبىندەگى تەكتونيكالىق قاباتتاردىڭ بىر-بىرىنەن الشاق كەتكەن جەرلەرىنەن جاڭا جەر قىرتىسى قالىپتاساتىنىن العا تارتىپ وتىر. شامامەن 65000 شارشى شاقىرىمدى قامتيتىن مۇنداي ايماق گەوتەرمالدى ەنەرگيانىڭ قاينار كوزى بار. بىلىكتى ماماندار جەر ماگماسىنىڭ جەر بەتىنە جاقىن ورنالاسقاندىقتان جانە تەكتونيكالىق پليتالار بىر-بىرىنەن الشاقتايتىن كەزدە پايدا بولاتىن جارىقشاقتاردان گەوتەرمالدى ەنەرگيا رەسۋرسىنا وڭاي قول جەتكىزۋگە بولاتىنىن، ياعني، مەيلىنشە از شىعىنمەن مول ەنەرگيا ءوندىرۋ مۇمكىندىگىن العا تارتىپ وتىر.

بۇل باعىتتاعى زەرتتەۋ ناتيجەسىنە سايكەس وسى ايماقتاعى تۋربينالار ارقىلى وتەتىن بۋدان تۇششى سۋ الۋ جانە ونى جاسىل سۋتەگى نەمەسە اممياك الۋ ءۇشىن پايدالانۋ ءوز كەزەگىندە گەوتەرمالدىق ەنەرگەتيكا ءوندىرىسىن دامۋىنا جانە گەوتەرمالدى ەنەرگيانى تۇراقتى ەنەرگيا كوزىنە اينالدىرۋعا ىقپال ەتۋى مۇمكىن.