«ۇيىڭدە دۋا بار» دەپ گيپنوز ارقىلى جۇرتتى الداعان ەكى ايەل ۇستالدى.
قازىعۇرتتا تۇرعىننىڭ التىنى مەن اقشاسىن كوز الدىندا الداپ الىپ كەتكەن وزبەكستاندىق ەكى ايەل ۇستالدى، دەپ حابارلايدى Almaty-akshamy.kz.
قازىعۇرت اۋداندىق پوليسيا ءبولىمىنىڭ 102 پۋلتىنە 2022 جىلدىڭ 12 مامىرىندا جەرگىلىكتى تۇرعىن شاعىمدانىپ، ەكى ايەلدەن الدانعانىن، ولار گيپنوز ارقىلى كوز الدىندا التىندارىن جىمقىرىپ كەتكەنىن ايتقان.
ەگدە جاستاعى ايەلدىڭ ايتۋىنشا، ونىڭ ۇيىنە وزگە ۇلتتى ەكى ايەل كەلگەن. ولار جابىرلەنۋشىگە ۇيىڭدە دۋا بار، سونى تازالاپ بەرەمىز دەگەن جەلەۋمەن وزدەرىنىڭ تازالاۋ ارەكەتتەرىن جاساپ، وسى ارالىقتا تۇرعىننىڭ التىن القاسىن، ساۋساعىنداعى التىن ساقيناسى مەن 100 مىڭ تەڭگەدەن اسا اقشاسىن اكەتىپ قالعان.