مينيستر شارلاپايەۆ قازاقستانعا كولىكتەردى اكەلۋگە تىيىم سالۋ جايلى پىكىر ءبىلدىردى
قازاقستاندا كولىك قۇرالدارىن اكەلۋ تارتىبىنە وزگەرىس ەنگىزىلدى. ەندى جىلىنا ءبىر كولىكتەن ارتىق اكەلگىسى كەلەتىن ادام زاڭدى تۇلعا رەتىندە تىركەلۋى ءتيىس، دەپ حابارلايدى aqshamnews.kz
سونىمەن قاتار، اكەلىنەتىن كولىك ءۇش جىلدان ەسكى بولماۋى كەرەك. ونەركاسىپ جانە قۇرىلىس ءمينيسترى قانات شارلاپايەۆ بريفينگ بارىسىندا بۇل تالاپتىڭ 2015 جىلدان بەرى قولدانىستا ەكەنىن، ءبىراق ەندى ءتارتىپتىڭ ءبىرشاما قاتاڭداتىلعانىن اتاپ ءوتتى.
«2023 جىلى ءبىر ادامنىڭ 793 كولىك اكەلگەن جاعدايى بولدى. 34 ادام 100-دەن استام كولىك اكەلدى. بۇل ارەكەتتەر كاسىپكەرلىك قىزمەتتىڭ ايقىن بەلگىلەرىنە جاتادى. مۇندا قانداي دا ءبىر شەكتەۋ ەنگىزۋ ەمەس، ماسەلە زاڭ تالاپتارىن ساقتاۋ جايىندا. ەگەر ادامدار كولىك اكەلۋ ارقىلى كاسىپكەرلىكپەن اينالىسقىسى كەلسە، ياعني جۇزدەپ كولىك تاسىمالداسا، ولار مەملەكەتتىك ورگانداردىڭ زاڭدى تالاپتارىن ورىنداۋى قاجەت. بارلىق ءتيىستى تولەمدەردى تولەۋلەرى كەرەك»، – دەدى مينيستر.
ءمينيستردىڭ ايتۋىنشا، ەگەر ادام كولىك ساتۋمەن اينالىسقىسى كەلسە، وندا جاۋاپكەرشىلىكتى موينىنا الىپ، ج ش س اشىپ، رەسمي ديلەر رەتىندە تىركەلۋى قاجەت.