تانىمال قازاقستاندىق ۆاينەر مەيىرجان تورەبايەۆ پەن مەيىرحان شەرنيازوۆتى قاماۋدا ۇستاۋ مەرزىمى تاعى ءبىر ايعا ۇزارتىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«الماتى قالاسىنىڭ مامانداندىرىلعان اۋدانارالىق تەرگەۋ سوتىنىڭ حابارلاۋىنشا، 18 قاراشادا سوت شەشىمىمەن كۇدىكتى مەيىرجان تورەبايەۆتىڭ قاماۋدا ۇستاۋ مەرزىمىن قىلمىستىق ءىس ماتەريالدارىمەن تانىسۋ كەزەڭىندە ءبىر ايعا، ياعني 18 جەلتوقسانعا دەيىن سانكسيالاۋ تۋرالى تەرگەۋ ورگاندارىنىڭ ءوتىنىشى قاناعاتتاندىرىلدى. شەشىم زاڭدى كۇشىنە ەنگەن جوق»، - دەپ حابارلادى الماتى قالالىق سوتىنىڭ باسپا ءسوز قىزمەتى.
سونداي-اق، سوت شەرنيازوۆقا قاتىستى قاۋلى شىعاردى. ونىڭ قاماۋعا الۋ مەرزىمى دە تاعى ءبىر ايعا ۇزارتىلدى.
«سوت شەشىمى بويىنشا، كۇدىكتىنى قىلمىستىق ءىس ماتەريالدارىمەن تانىسۋ كەزەڭىندە قاماۋدا ۇستاۋ مەرزىمىن ءبىر ايعا، ياعني 19 جەلتوقسانعا دەيىن سانكسيالاۋ تۋرالى تەرگەۋ ورگاندارىنىڭ ءوتىنىشى قاناعاتتاندىرىلدى»، - دەپ اتاپ ءوتتى سوت وكىلدەرى.
ەسكە سالايىق، مەيىرجان تورەبايەۆ پەن مەيىرحان شەرنيازوۆ ق ر قىلمىستىق كودەكسىنىڭ 217-بابى 3-بولىگى بويىنشا الماتى قالالىق پوليسيا دەپارتامەنتى تەرگەۋ باسقارماسى تەرگەپ جاتقان قىلمىستىق ءىس بويىنشا كۇدىكتى رەتىندە تانىلعان ەدى.