Telegram-پايدالانۋشىلارى 2023 جىلدىڭ شىلدەسىندە الەمدە پاندەميانىڭ جاڭا تولقىنى باستالاتىنىن جازىپ جاتىر. كورونوۆيرۋستىڭ ولىمگە اكەلەتىن شتامى شىعىپ، جاڭا اۋرۋ – COVID-23 پايدا بولادى-مىس. اقپاراتتىڭ راس-وتىرىگىن Stopfake.kz بىلۋگە تىرىستى، دەپ حابارلايدى Almaty-akshamy.kz Inform.kz-كە سىلتەمە جاساپ.
«بۇل بولجامنىڭ «دالەلى» رەتىندە قاستاندىق تەورياسىن جاقتاۋشىلار كوركەم ءفيلمدى جانە The economist جۋرنالىنىڭ مۇقاباسىن العا تارتادى. ەكەۋىن دە تالداپ شىعايىق.
فيلم "تورداعى قۇس. اۋرۋ جۇقتىرۋ" («پتيسا ۆ كلەتكە. زاراجەنيە») دەپ اتالادى. ول 2020 جىلى COVID-19 پاندەمياسى شارىقتاعان كەزدە شىققان. وندا 2023 جىلى اۋىر دەرتتىڭ پايدا بولعانى، سونداي-اق 2024 جىلى قوعامنىڭ تۇبەگەيلى وزگەرگەنى تۋرالى ايتىلادى. ءىرى قالالاردا قاتاڭ لوكداۋن جاريالاندى، ال ناۋقاستار وقشاۋلاۋ ايماقتارىنا جىبەرىلىپ، ولارعا ەشقانداي كومەك كورسەتىلمەدى. بۇل «وبيتەل زلا» نەمەسە «حودياچيە مەرتۆەسى» ومىردە بولاتىنىنا سەنگەنمەن بىردەي.ءتىپتى، ءفيلمدى تۇسىرگەندەر ميلليونداعان ادامنىڭ ءومىرىن قيعان اۋرۋدى پايدالانىپ، ءوز اتىن شىعارماق بولدى، كورەرمەندى ودان سايىن قورقىتىپ، ولارعا كارانتيندىك شارالار مەن دەنساۋلىق ساقتاۋ جۇيەسىنىڭ جۇمىسى تۋرالى قاتە تۇسىنىك بەردى دەپ ايىپتالدى.
The Economist جۋرنالىنىڭ مۇقاباسىنا كەلەتىن بولساق، وندا دا جاڭا پاندەميا بولجانباعان. پايدالانۋشىلار سىلتەمە جاساعان باسىلىم 2021 جىلدىڭ 13 جەلتوقسانىندا شىققان. وندا وتكەن جىل قورىتىندىلانىپ، كەلەسى جىلدىڭ قانداي بولاتىنى تۋرالى بولجامدار جازىلعان. جۋرنال سانىنىڭ مۇقاباسىندا بۇرىن بولعان وقيعالاردىڭ بەلگىلەرى مەن ادامدار بەينەلەنگەن. ماسەلەن، SARS-CoV-2 ۆيرۋسىنىڭ سۋرەتى جاڭا پاندەميانىڭ بولاتىنىن ەمەس، باستالعان پاندەميانىڭ بەينەسى بوعلان»، - دەپ جازادى Stopfake.kz.
ايتا كەتەيىك، 2021 جىلى The Economist جۋرنالى COVID-19 ىندەتى 2022 جىلى باسىلادى دەپ جازدى. جاڭا مۋتاسيالاردىڭ پايدا بولۋى جانە كارانتين شارالارىنىڭ كۇشەيتىلۋى وسى جانە باسقا ماقالالاردا ايتىلماعان.
«دەمەك، 2023 جىلى جازدا الەمدە جاڭا پاندەميا بولادى، جاڭا COVID-23 اۋرۋى پايدا بولادى دەپ ساناۋعا نەگىز جوق»، - دەپ تۇيىندەلگەن سايتتا.